Körfubolti

Grindavík í Dominos-deildina

Anton Ingi Leifsson skrifar
Ingibjörg var öflug í kvöld og gaf meðal annars sex stoðsendingar.
Ingibjörg var öflug í kvöld og gaf meðal annars sex stoðsendingar. vísir/ernir
Grindavík er komið upp í Dominos-deild kvenna en þær tryggðu sér sætið með sigri á Fjölni í Dalhúsum í kvöld, 92-83.

Grindvíkingar voru sterkari í upphafi og voru fimm stigum yfir eftir fyrsta leikhlutann en munurinn var svo sjö stigum yfir í hálfleik, 46-39.

Fjölnisstúlkur voru sterkar í þriðja leikhlutanum og söxuðu aðeins á forskot Grindavíkur en í síðasta leikhlutanum voru Grindvíkingar sterkari og tryggðu sætið.

Hrund Skúladóttir og Hannah Louise Cook voru stigahæstar í liði Grindavíkur með 23 stig. Hannah bætti við tólf fráköstum og Hrund ellefu. Öflugur leikur hjá þeim.

Í liði Fjölnis var það Brandi Nicole Buie sem var í sérflokki en hún skoraði 28 stig. Næst kom Erla Sif Kristinsdóttir með sautján stig.

Grindavík er því komið í Dominos-deild kvenna með því að vinna einvígið 3-0.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.