Öllu flugi Jet Airways aflýst

Indverska flugfélagið Jet Airways aflýsti öllum flugferðum sínum í dag og svo virðist sem félagið sé á leið á hausinn. Í gær voru tíu vélar fyrirtækisins kyrrsettar vegna skulda við leigusala þeirra.

Í heild er félagið að sligast undan skuldum, sem eru sagðar nema um einum milljarði Bandaríkjadala.

 

Jet Airways er stærsta einkarekna flugfélag Indlands með fleiri en hundrað vélar í flota sínum og flýgur til um 600 áfangastaða innanlands og 380 erlendra borga.