Innlent

Sjö hundruð manns skíðuðu á Siglufirði í dag

Sylvía Hall skrifar
Veðrið leikur við skíðafólk fyrir norðan.
Veðrið leikur við skíðafólk fyrir norðan. Facebook

Veðrið lék svo sannarlega við skíðafólk á Siglufirði í dag en rúmlega sjö hundruð manns nýttu tækifærið og renndu sér í brekkunum. Egill Rögnvaldsson, rekstrarstjóri skíðasvæðisins í Skarðsdal, á von á fleiri gestum um helgina.

„Það voru sjö hundruð manns í dag og fimm hundruð manns í gær, hér er bara skíðað á fullu fyrir norðan,“ segir Egill í samtali við Vísi. Hann segir skíðavorinu hvergi nærri lokið og það séu að minnsta kosti tveir til þrír góðir dagar eftir. 

Aðspurður segist hann alveg eiga von á yfir þúsund gestum næstu daga og stefnan sé sett á að taka páskana með stæl í brekkunum.

„Þetta lítur bara nokkuð vel út hjá okkur miðað við hina staðina, það er ljómandi færi hjá okkur.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.