Marsspá Siggu Kling - Hrúturinn: Þú munt ná markmiðunum á þeim forsendum

Elsku Hrúturinn minn, þú ert viljasterkur og úr því þú hefur þann góða hæfileika þarftu að vita hvað  þú vilt og það er sérstaklega mikilvægt að hugsa þessi skilaboð núna, því það er búið að vera hjá þér nýtt upphaf. Upphaf þarf ekki alltaf að vera skemmtilegt, heldur ertu á því tímabili sem þú þarft að vera á tánum.

Persónur og leikendur í lífi þínu eiga að ganga fyrir og þú þarft að spraya á þig auðmýkt og kærleika. Með því kemurðu fyrstur í mark þar sem þú getur klappað þér á bakið og sagt: „Ég hefði kannski ekki trúað ég kæmist yfir þetta allt saman“ og úr því þú gast það þá verða það bara smámunir sem ergja þig næsta sumar.

Þetta er tímabil sigurs ef þú ferð rétt að, og einnig tímabil þar sem þú lítur betur út en áður og fólk mun hrósa þér, því þegar þú þarft þá ertu úr stáli. Ástin í kringum þig er kraftmikil og gefur þér næringu, ástin býr í fjölskyldu, vinum og öllu sem er lifandi í kringum þig, til dæmis hundum.

Þrjóska þín mun gefa þér að þú munt ná markmiðunum á þeim forsendum sem þú setur þér og mars sýnir þér hvað er að fara að gerast, þú finnur út eins og bardagamaður hvað þú þarft að framkvæma, en apríl og maí koma svo með útkomuna sem verður góð.

Það er svo mikilvægt þú finnir það í þér sem þú kannt að meta við núverandi stöðu og þakkir fyrir það sem er í kringum þig og setjir það sterkt í hugann á þér að það er í raun og veru ekkert sem þú þarft, þú hefur allt sem þig vantar. Ef þú vilt finna eitthvað nýtt þarftu að hreyfa við Alheiminum, hann hreyfir sig ekki sjálfur.

Knús og kossar, þín Sigga Kling

Frægir Hrútar: Hera Björk Þórhallsdóttir söngkona, Silvía Lovetank listamaður, Björgvin Halldórsson söngvari, Kári Stefánsson vísindamaður, Vigdís Finnbogadóttir, fyrrverandi forseti, Hugh Hefner, Birgitta Jónsdóttir pírati, Anna Svava Knútsdóttir leikkona, Ólöf Erla, grafískur hönnunarsnillingur, Elton John söngvari, Salka Sól súperdrottning, Þóra í Atlanta, Sigmar Guðmundsson sjónvarpsmaður, Berglind Pétursdóttir, Steinunn Jónsdóttir, söngkona AmabAdamA, Þórhallur Þórhallsson uppistandari, Alda í Handy pandy, naglalistakona, Vala Grand, Hjálmar Forni listamaður, Jakob Bjarnar Grétarsson, Elín Björnsdóttir, fyrirlesari og kraftaverkakona, Guðbjörn Alexander Kling fótboltamaður, Theresa Rodriguez listamaður.