Lífið

Marsspá Siggu Kling - Krabbinn: Átt eftir að byggja þér svo dásamlega fallegt heimili

Sigga Kling skrifar

Elsku Krabbinn  minn, þú ert eins og sinfónía eftir Bach, kemur sjálfum þér alltaf á óvart! Hvatvísi og fljótfærni sem eru vinkonur geta þó sett strik í reikninginn þinn og þá kemur önnur útkoma en þú bjóst við. Róaðu huga þinn niður og þá sérðu að þú ert nóg, í því finnurðu kraft þinn aftur þá stefnir þú örugglega í rétta átt og þá verður eitthvað svo skemmtilegt og létt fas yfir þér og þú steinhættir að hafa áhyggjur af vitleysunni.

Í þessari ferð þá sérðu þú hefur hæfileika til að láta gott af þér í lífinu og það er svo sannarlega það sem umlykur hjarta þitt, ekki láta græðgina ná yfirhöndinni því þá gætir þú gert eitthvað sem þú sérð eftir síðar. Heiðarleiki og gjafmildi og að dreifa tilfinningunum þínum hægri vinstri munu greiða götu þína, því Tunglið er plánetan þín og hversu töff er það?

Þú átt eftir að byggja þér svo dásamlega fallegt heimili, hefur svo geðveikt góðan smekk fyrir matargerð og öðruvísi hlutum og þar af leiðandi verður þú fyrirmynd margra, því fólki langar til að líkjast þér og heimsækja þig. Þú verður umvafinn ást á þeim tímum sem eru að blasa við og þú munt sjá það er einfaldleikinn sem virkilega gefur lífi þínu lit. Þetta er góður tími sem þú ert að sigla inn á og það blasir við þér sigur þegar líða tekur að vorinu, peningar koma og fara, en andartak bara einu sinni, ástin blasir við þér, svo njóttu augnabliksins.

Það er mikilvægt fyrir þig að taka myndir eða skrifa niður það sem þú ert að hugsa eða það sem þú ætlar að gera, það er eitthvað svo  magnað sem á eftir að gerast hjá þér á þeim vettvangi, þetta getur jafnvel bara þýtt þú skrifir dagbók. Notaðu tónlist meira í lífi þínu, það hækkar orku þína og tíðni, því þú ert listamaður hvernig sem á það er litið.

Knús og kossar, þín Sigga Kling

Frægir Krabbar: Bryndís Schram, Sigga Lorange Ostabúðarskvísa, Auddi Blö, sem við elskum öll, Dagur B. Eggertsson, borgarstjóri og dúlla, Ólafur Stefánsson, handboltakappi og heimspekingur, Edda Sif, Sindri Sindrason, Ásdís Halla Bragadóttir, Hjörvar Hafliðason og Lars Lagerbäck landsliðsþjálfari, Davíð hinn góði skóari í Hafnafirði, Stefán Árni Pálsson fréttamaður, Guðni Th. forseti Íslands, Friðbjörn Europartakóngur, Yesmine Olsen, höfundur og framleiðandi, George Michael, Kristófer Helgason, dagskrágerðamaður, Nuno Alexandre Bentin Servo veitingahúsakóngur, Helga Hafsteinsdóttir, hárgreiðsluséní á Akureyri, Íris Björk Tanya frumkvöðull og hönnuður, Liga Liepina hestaljósmyndari.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.