Viðskiptaþing ársins 2019 fer nú fram á Hilton Reykjavik Nordica en yfirskrift þess er Skyggni nánast ekkert: Forysta í heimi óvissu.

Vísir mun sýna beint frá ræðum formanns Viðskiptaráðs, Katrínar Olgu Jóhannesdóttur, og forsætisráðherrans Katrínar Jakobsdóttur.

Viðskiptaþingið hefst klukkan 13 og eru ræður Katrínar Olgu og Katrínar fyrstar á dagskrá.

Í ár fjallar þingið um nýjar áskoranir nútímaleiðtoga í takt við gífurlegt upplýsingaflæði og tækniframfarir. '

„Áskoranir nútímaleiðtoga hafa breyst í takt við gífurlegt upplýsingaflæði og tækniframfarir. Auknar áherslur á viðskiptasiðferði, samfélagsábyrgð og sjálfbærni eru ennfremur að gjörbreyta viðskiptaháttum. Viðskiptaþing 2019 fjallar um hvernig leiðtoginn fetar farsælan veg í heimi óvissu þar sem skyggni er nánast ekkert,“ segir á vef Viðskiptaráðs.