Norska stór­skyttan klár í slaginn | Sau­tján manna hópur Norð­manna

Norskir handboltaáhugamenn tóku gleði sína í dag þegar ljóst var að stórskyttan Magnus Abelvik Rød yrði klár í slaginn á Evrópumótinu í handbolta í næsta mánuði.

Norðmenn mæta Bosníumönnum í 1. leiknum 10. janúar og spila síðan við Frakka og Portúgala. D-riðillinn er spilaður í Þrándheimi. Rød er örvhent skytta og spilar með Flensburg sem er í þriðja sæti þýsku Bundesligunnar.

Hinn 22 ára Rød meiddist á mjöðm í desember og flest benti til þess að hann missti af Evrópumótinu. Rød sló í gegn á HM í janúar, skoraði 43 mörk og var næst markahæstur þegar Norðmenn komust í úrslit en töpuðu þar fyrir Dönum.

Kent Robin Tönnesen leikmaður Veszprem í Ungverjalandi, sem spilar sömu stöðu og Rød, er meiddur.  Línumaðurinn og fyrirliðinn Bjarte Myrhol er veikur og missir af Evrópumótinu.

Hér má sjá 17 manna hóp Norðmanna.

 

Markverðir:

Torbjørn S. Bergerud, SG Flensburg-Handewitt

Espen Christensen, GWD Minden

Kristian Sæverås, Aalborg Håndbold

 

Línumenn:

Magnus Gullerud, GWD Minden

Petter Øverby, HC Erlangen

 

Hægri hornamenn:

Kristian Bjørnsen, HSG Wetzlar

Kevin M. Gulliksen, GWD Minden

 

Vinstri hornamenn:

Alexander Blonz, Elverum

Magnus Jøndal, SG Flensburg-Handewitt

 

Miðjumenn:

Sander A. Øverjordet, Haslum HK

Sander Sagosen, Paris Saint-Germain Handball

Christian O’Sullivan, SC Magdeburg

 

Vinstri skyttur:

William Aar, Kolstad

Gøran Johannessen, SG Flensburg-Handewitt

 

Hægri skyttur:

Harald Reinkind, THW Kiel

Magnus Abelvik Rød, SG Flensburg-Handewitt

Eivind Tangen, Skjern Håndbold.