„Coming to America“ útgáfa af nýju skónum hans Giannis

Giannis Antetokounmpo var kosinn mikilvægasti leikmaður NBA-deildarinnar í körfubolta á síðasta tímabili og að sjálfsögðu er sá besti kominn með nýja skólínu hjá Nike. Þar á meðal er sérstök útgáfa tengd einni uppáhaldsmynd Giannis.

Giannis Antetokounmpo var magnaður með Milwaukee Bucks tímabilið 2018-19 en hann hélt áfram að bæta sinn leik og endaði með 27,7 stig, 12,5 fráköst og 5,9 stoðsendingar að meðaltali í leik.

Eins og sjá má í þessari Twitter færslu hér fyrir neðan þá var ein útgáfan af Nike skóm Giannis Antetokounmpo gerð til heiðurs gamanmyndinni „Coming to America“ sem kom út árið 1988.

THIS IS REAL: One of the initial colorways to the Giannis signature Nike shoe is the “Coming to America” version, which “celebrates one of Giannis’ favorite movies, as well as the similarities and differences between both Giannis’ and Prince Akeem’s stories.” pic.twitter.com/mvLZA6Aj1f

— Darren Rovell (@darrenrovell) July 15, 2019

Eddie Murphy átti hugmyndina af myndinni „Coming to America“ og lék einnig aðalhlutverkið og nokkur aukahlutverk til viðbótar.

„Coming to America“ er um moldríkan prins frá Afríkuríkinu Zamunda sem hefur ekki þurft að vinna eitt handtak á ævinni en tekur upp á því að fara til Bandaríkjanna til að upplifa það hvernig er að vera venjulegur vinnandi maður.

„Coming to America“ er ein af uppáhaldasmyndum Giannis Antetokounmpo en hann fæddist þó ekki fyrr en sex árum eftir að myndin kom í kvikmyndahús út um allan heim. Giannis Antetokounmpo er grískur og fæddist í Aþenu en foreldrar hans komu til Grikklands frá Nígeríu.

Giannis unboxing the "Coming to America" Nike Freak 1. pic.twitter.com/B0SWNVOEkC

— B/R Kicks (@brkicks) July 15, 2019