Þetta herma heimildir Entertainment Tonight.
Peter var í þriðja sæti í 15. þáttaröðunni af Bachelorette þar sem hann og þrjátíu aðrir karlmenn kepptu um hylli suðurríkjastúlkunnar Hönnuh Brown, innanhússhönnuð frá Tuscaloosa í Alabama.
Hannah hefur sjálf sagt að Peter yrði góður kostur. Hann er 28 ára og er nú með milljón fylgjendur á Instagram.
Raunveruleikaþættirnir njóta mikilla vinsælda um allan heim en þeir eru sýndir á sjónvarpsstöðinni ABC. Nú standa yfir sýningar á Bachelor in Paradise sem er eins konar hliðararfurð þáttanna þar sem gamalkunnir þátttakendur fá annað tækifæri til að finna ástina.
Einn heimildamaðurinn sagði að Peter hefði alltaf verið fyrsta val en framleiðendurnir hefðu viljað sjá hvernig Mike Johnson myndi standa sig í Bachelor In Paradise en fjölmargir vilja að Mike verði í aðalhlutverki í næstu seríu. Hann yrði þá fyrsti þeldökki Bachelorinn í sögunni.
„Þeir [framleiðendurnir] elska hann en eru ekki vissir um að hann sé reiðubúinn að bera heilla þáttaröð á herðum sér.“
Heimildir ET herma þá einnig að til framleiðendanna hafi sést í hverfinu hans Peters í suður Kaliforníu á dögunum.
Tökur á nýju þáttaröðinni hefjast í byrjun mánaðar sem þýðir að ekki verður langt þangað til aðdáendur þátttanna fá að vita hver næsti Bachelorinn verður.