Töp, stolinn leigubíll og allt í rugli hjá West Brom Ingvi Þór Sæmundsson skrifar 19. febrúar 2018 08:30 Úr leik WBA um helgina. vísir/afp Leikmenn, þjálfarar, stuðningsmenn og allir þeir sem koma að enska úrvalsdeildarliðinu West Brom vilja eflaust gleyma síðustu viku sem fyrst. Á mánudaginn fyrir viku tapaði West Brom 3-0 fyrir Chelsea á útivelli. Liðið er eitt og yfirgefið á botni ensku úrvalsdeildarinnar með aðeins 20 stig, fimm stigum frá næsta liði og sjö stigum frá öruggu sæti þegar 11 umferðum er ólokið. Til að bæta gráu ofan á svart meiddist Daniel Sturridge, lánsmaður frá Liverpool, eftir aðeins nokkurra mínútna leik gegn Chelsea. Alan Pardew, knattspyrnustjóri West Brom, reyndi að létta lund leikmanna með því að fara með þá til Barcelona. Sú ferð var skrautleg í meira lagi og hafði ekki tilætluð áhrif. Staðan varð bara enn verri.Leigubílastuldur Aðfaranótt föstudags sagði hungrið til sín hjá fjórum leikmönnum West Brom eftir gott skrall. Allir skyndibitastaðir í nágrenninu voru lokaðir og þeir pöntuðu því leigubíl til að fara á McDonald’s. Þar fannst þeim góð hugmynd að stela bílnum þegar bílstjórinn fór inn á staðinn til að sækja pöntunina. Leikmennirnir keyrðu upp á hótel, skildu bílinn eftir þar fyrir utan og fóru upp á herbergi. Þeir voru ekki búnir að sofa lengi þegar þeir voru vaktir af lögreglumönnum sem færðu þá til yfirheyrslu. Þeim var síðar sleppt og leigubílstjórinn fékk bílinn sinn aftur. Á föstudaginn bárust svo fréttir af því að leikmennirnir fjórir væru meðal þeirra reyndustu í liði West Brom; Jonny Evans, Gareth Barry, Jake Livermore og Boaz Myhill. Félagið er með málið til rannsóknar. „Við ætlum að komast til botns í málinu. Þetta var ekki það sem við vildum. Þeir brutu reglur, það er óásættanlegt og þeir brugðust mér. Ég er augljóslega brjálaður," sagði Pardew. Hann lenti sjálfur í vandræðum í Barcelona þegar veski hans og síma var stolið.Barry og Evans voru til vandræða.vísir/afpBáðust afsökunar Leigubílaþjófarnir stigu fram á föstudaginn og sendu frá sér yfirlýsingu þar sem þeir báðust afsökunar á atvikinu. „Við viljum nýta tækifærið til að biðja liðsfélaga okkar, stjóra, félagið og sérstaklega stuðningsmennina afsökunar fyrir atvikið sem hafa fengið mikla og neikvæða athygli. Okkur fannst mikilvægt að stíga fram af virðingu við liðsfélaga okkar sem lægju annars undir grun," sagði í yfirlýsingu fjórmenninganna. Barry og Evans voru í byrjunarliðinu í bikarleiknum gegn Southampton á laugardaginn. Pardew tók hins vegar fyrirliðabandið af Evans. „Mér fannst ég þurfa að senda skilaboð vegna atburðanna," sagði Pardew. West Brom spilaði illa í fyrri hálfleiknum og var 0-1 undir að honum loknum. Lærisveinar Pardews spiluðu mun betur í seinni hálfleik en lentu 0-2 undir á 56. mínútu. Tveimur mínútum síðar minnkaði Salomón Rondón muninn með fallegu marki en nær komst West Brom ekki og liðið er því fallið úr leik í bikarkeppninni.Situr í heitu sæti Eftir leikinn viðurkenndi Pardew að hann óttaðist um starf sitt. Liðinu hefur gengið hörmulega síðan hann tók við því af Tony Pulis í lok nóvember. West Brom hefur aðeins unnið einn af 13 deildarleikjum undir hans stjórn og bara unnið einn af síðustu 25 deildarleikjum sínum. West Brom var einu stigi frá fallsæti þegar Pardew tók við en er nú sjö stigum frá öruggu sæti. Og tíminn til að bjarga málunum er naumur. Það veikti líka stöðu Pardews mjög að Guochuan Lai, kínverskur eigandi West Brom, rak stjórnarformann og framkvæmdastjóra félagsins, John Williams og Martin Goodman, síðasta þriðjudag. Þeir réðu Pardew á sínum tíma og staða hans er því ekkert sérstaklega sterk. Og hann er meðvitaður um það. „Þetta eru góðir menn og ég er vonsvikinn ef ég á að segja eins og er. Þeir stóðu sig vel. Ef stjórnarformaðurinn og framkvæmdastjórinn eru látnir fara geturðu ekki verið öruggur með þína stöðu," sagði Pardew. West Brom hefur 11 leiki til að bjarga sér frá falli úr ensku úrvalsdeildinni og redda tímabilinu. En miðað við gengi undanfarinna mánaða og ástandið hjá félaginu er afar ólíklegt að það takist. Enski boltinn Mest lesið Hefur fest rætur á Íslandi eftir örlagaríkt símtal Íslenski boltinn Kvaddi stuðningsmennina og kenndi þeim lag um nýja stjórann Fótbolti Meistararnir úr leik eftir stærstu endurkomu sögunnar Körfubolti Kristján Guðmundsson: Aldrei brot og mjög slök frammistaða hjá dómurum leiksins Íslenski boltinn Gamli Íslandsvinurinn kraftaverkamaður í Mainz Fótbolti Endurkoma í lagi hjá BKG og elleftu heimsleikarnir í röð Sport „Þetta einvígi er rétt að byrja“ Handbolti Dagskráin í dag: Besta-deildin og úrslitaeinvígi Subway-deildarinnar Sport „Við erum búnir að skrifa okkur í sögubækurnar“ Fótbolti Schauffele hélt út og tryggði sér sigur með fugli á átjándu Golf Fleiri fréttir Guardiola um framtíðina: Nær því að hætta en vera áfram Mark Quansah fyrir Liverpool bætti markametið Þetta gerðist í lokaumferðinni í enska | City meistari og Jóhann Berg kvaddi Skytturnar gerðu sitt en horfa samt á eftir titlinum Missti af rauðvínsglasi með Sir Alex Klopp segir að Liverpool verði í góðum höndum hjá Slot Ten Hag segir United í betri stöðu en fyrir ári Jón Daði og félagar náðu ekki að koma sér upp um deild Hayes kvaddi Chelsea með fimmta titlinum í röð og Dagný komin í hóp De Zerbi hættir hjá Brighton Foden valinn bestur á Englandi Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Meiðslapésarnir fara frá Liverpool Slot staðfestir að hann taki við Liverpool Vill komast hjá því að afhenda City bikarinn Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Sjá meira
Leikmenn, þjálfarar, stuðningsmenn og allir þeir sem koma að enska úrvalsdeildarliðinu West Brom vilja eflaust gleyma síðustu viku sem fyrst. Á mánudaginn fyrir viku tapaði West Brom 3-0 fyrir Chelsea á útivelli. Liðið er eitt og yfirgefið á botni ensku úrvalsdeildarinnar með aðeins 20 stig, fimm stigum frá næsta liði og sjö stigum frá öruggu sæti þegar 11 umferðum er ólokið. Til að bæta gráu ofan á svart meiddist Daniel Sturridge, lánsmaður frá Liverpool, eftir aðeins nokkurra mínútna leik gegn Chelsea. Alan Pardew, knattspyrnustjóri West Brom, reyndi að létta lund leikmanna með því að fara með þá til Barcelona. Sú ferð var skrautleg í meira lagi og hafði ekki tilætluð áhrif. Staðan varð bara enn verri.Leigubílastuldur Aðfaranótt föstudags sagði hungrið til sín hjá fjórum leikmönnum West Brom eftir gott skrall. Allir skyndibitastaðir í nágrenninu voru lokaðir og þeir pöntuðu því leigubíl til að fara á McDonald’s. Þar fannst þeim góð hugmynd að stela bílnum þegar bílstjórinn fór inn á staðinn til að sækja pöntunina. Leikmennirnir keyrðu upp á hótel, skildu bílinn eftir þar fyrir utan og fóru upp á herbergi. Þeir voru ekki búnir að sofa lengi þegar þeir voru vaktir af lögreglumönnum sem færðu þá til yfirheyrslu. Þeim var síðar sleppt og leigubílstjórinn fékk bílinn sinn aftur. Á föstudaginn bárust svo fréttir af því að leikmennirnir fjórir væru meðal þeirra reyndustu í liði West Brom; Jonny Evans, Gareth Barry, Jake Livermore og Boaz Myhill. Félagið er með málið til rannsóknar. „Við ætlum að komast til botns í málinu. Þetta var ekki það sem við vildum. Þeir brutu reglur, það er óásættanlegt og þeir brugðust mér. Ég er augljóslega brjálaður," sagði Pardew. Hann lenti sjálfur í vandræðum í Barcelona þegar veski hans og síma var stolið.Barry og Evans voru til vandræða.vísir/afpBáðust afsökunar Leigubílaþjófarnir stigu fram á föstudaginn og sendu frá sér yfirlýsingu þar sem þeir báðust afsökunar á atvikinu. „Við viljum nýta tækifærið til að biðja liðsfélaga okkar, stjóra, félagið og sérstaklega stuðningsmennina afsökunar fyrir atvikið sem hafa fengið mikla og neikvæða athygli. Okkur fannst mikilvægt að stíga fram af virðingu við liðsfélaga okkar sem lægju annars undir grun," sagði í yfirlýsingu fjórmenninganna. Barry og Evans voru í byrjunarliðinu í bikarleiknum gegn Southampton á laugardaginn. Pardew tók hins vegar fyrirliðabandið af Evans. „Mér fannst ég þurfa að senda skilaboð vegna atburðanna," sagði Pardew. West Brom spilaði illa í fyrri hálfleiknum og var 0-1 undir að honum loknum. Lærisveinar Pardews spiluðu mun betur í seinni hálfleik en lentu 0-2 undir á 56. mínútu. Tveimur mínútum síðar minnkaði Salomón Rondón muninn með fallegu marki en nær komst West Brom ekki og liðið er því fallið úr leik í bikarkeppninni.Situr í heitu sæti Eftir leikinn viðurkenndi Pardew að hann óttaðist um starf sitt. Liðinu hefur gengið hörmulega síðan hann tók við því af Tony Pulis í lok nóvember. West Brom hefur aðeins unnið einn af 13 deildarleikjum undir hans stjórn og bara unnið einn af síðustu 25 deildarleikjum sínum. West Brom var einu stigi frá fallsæti þegar Pardew tók við en er nú sjö stigum frá öruggu sæti. Og tíminn til að bjarga málunum er naumur. Það veikti líka stöðu Pardews mjög að Guochuan Lai, kínverskur eigandi West Brom, rak stjórnarformann og framkvæmdastjóra félagsins, John Williams og Martin Goodman, síðasta þriðjudag. Þeir réðu Pardew á sínum tíma og staða hans er því ekkert sérstaklega sterk. Og hann er meðvitaður um það. „Þetta eru góðir menn og ég er vonsvikinn ef ég á að segja eins og er. Þeir stóðu sig vel. Ef stjórnarformaðurinn og framkvæmdastjórinn eru látnir fara geturðu ekki verið öruggur með þína stöðu," sagði Pardew. West Brom hefur 11 leiki til að bjarga sér frá falli úr ensku úrvalsdeildinni og redda tímabilinu. En miðað við gengi undanfarinna mánaða og ástandið hjá félaginu er afar ólíklegt að það takist.
Enski boltinn Mest lesið Hefur fest rætur á Íslandi eftir örlagaríkt símtal Íslenski boltinn Kvaddi stuðningsmennina og kenndi þeim lag um nýja stjórann Fótbolti Meistararnir úr leik eftir stærstu endurkomu sögunnar Körfubolti Kristján Guðmundsson: Aldrei brot og mjög slök frammistaða hjá dómurum leiksins Íslenski boltinn Gamli Íslandsvinurinn kraftaverkamaður í Mainz Fótbolti Endurkoma í lagi hjá BKG og elleftu heimsleikarnir í röð Sport „Þetta einvígi er rétt að byrja“ Handbolti Dagskráin í dag: Besta-deildin og úrslitaeinvígi Subway-deildarinnar Sport „Við erum búnir að skrifa okkur í sögubækurnar“ Fótbolti Schauffele hélt út og tryggði sér sigur með fugli á átjándu Golf Fleiri fréttir Guardiola um framtíðina: Nær því að hætta en vera áfram Mark Quansah fyrir Liverpool bætti markametið Þetta gerðist í lokaumferðinni í enska | City meistari og Jóhann Berg kvaddi Skytturnar gerðu sitt en horfa samt á eftir titlinum Missti af rauðvínsglasi með Sir Alex Klopp segir að Liverpool verði í góðum höndum hjá Slot Ten Hag segir United í betri stöðu en fyrir ári Jón Daði og félagar náðu ekki að koma sér upp um deild Hayes kvaddi Chelsea með fimmta titlinum í röð og Dagný komin í hóp De Zerbi hættir hjá Brighton Foden valinn bestur á Englandi Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Meiðslapésarnir fara frá Liverpool Slot staðfestir að hann taki við Liverpool Vill komast hjá því að afhenda City bikarinn Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Sjá meira