Einhver verður að vera fyrstur til að stoppa Messi

Birkir Már Sævarsson er að vekja mikla athygli á HM. Fyrir utan að vera frábær hægri bakvörður og mikilvægur hlekkur í líklega athyglisverðasta landsliði heimsins þessa stundina er hann eini leikmaður íslenska liðsins sem er í annarri fastri vinnu. Hann vinnur hjá Saltverk meðfram því að spila með Val. Hann fékk þó frí til að fara með strákunum á HM, skiljanlega.

Birkir Már var til umfjöllunar í heimildarmyndinni Síðasta áminningin sem frumsýnd var í Bíó Paradís á þriðjudaginn. Í myndinni spyr Guðmundur Björn Þorbjörnsson Birki hvort hann sé hræddur við Messi.

„Nei, í rauninni ekki. Ef ég á að vera alveg hreinskilinn. Þetta er ekkert sem að hræðir mig eða stressar mig. Ég veit að hann er yfirnáttúrulega góður í fótbolta og hann sýnir það um hverja einustu helgi og hverjum einasta leik. Það virðist vera alveg sama hvaða leikmaður er á móti honum. Það getur enginn stoppað hann. Það verður einhver að vera fyrstur.“

Klippuna má sjá hér að neðan.

Sævarsson is the right back of the Icelandic team, who kept Messi quiet for 90 minutes today. Like he said he would. We interviewed him in a hardware store in March for the #doc "Last Call".

Sævarsson plays in Iceland and also works in the salt industry. Please share. #WorldCup pic.twitter.com/WdLozQfDkU

— Guðmundur Björn (@gudmundurbjorn) June 16, 2018

„What a man! Til hamingju elsku besti,“ segir eiginkona Birkis Más, Stebba Sigurðardóttir, Bolvíkingur með meiru, á Instagram og deilir mynd af innilegum koss þeirra í leikslok í gær.

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.

 

Í mars sagði Birkir már í viðtali, þegar hann var spurður hvort hann hræddist ekki Messi: “Nei, þó hann sé yfirnáttúrulega góður í fótbolta og enginn geti stöðvað hann þá verður einhver að vera fyrstur til þess” What a man! Til hamingju elsku besti @birkir84 með stigið... og já, hvað varð um Di Maria / I mars sa Birkir att, trots ingen har kunnat stoppa Messi hittills då måste någon vara den första till att göra det what a man ...en sak till. Har någon sett Angel DiMaria? #russia2018 #wc2018 #ksi #fyrirísland #argisl

A post shared by Stefanía Sigurðardóttir (@stebbasig) on Jun 16, 2018 at 2:05pm PDT