Látum ekki stjórnmálamenn segja okkur fyrir verkum Fanney H. Friðriksdóttir skrifar 20. febrúar 2018 08:00 Mikið hefði lífið í verkalýðsbaráttunni hjá Eflingu stéttarfélagi verið frábært og glæsilegt ef við hefðum í gegnum árin fengið að njóta starfskrafta þeirra sjö frambjóðenda sem bjóða nú fram lista sem leiddur er af áttunda frambjóðandanum, „róttæka aðgerðarsinnanum“ Sólveigu Önnu Jónsdóttur. Hún býður sig fram sem formann Eflingar undir dyggri stjórn Gunnars Smára Egilssonar formanns Sósíalistaflokksins sem auglýsti sérstaklega eftir Eflingarfélögum til að steypa núverandi stjórn Eflingar. Spurning er hvort tilgangurinn sé brennandi áhugi á kjarabaráttu launafólks eða að stjórnmálaflokkur sem engan hljómgrunn hefur fengið í kosningum eða könnunum, ætli nú með þaulskipulögðum hætti að leggja undir sig verkalýðsfélög og samtök launafólks og vinna sig síðan áfram upp stigann. Verkalýðsbaráttan sé ekki aðalatriðið heldur valda- og stjórnmálabarátta. Allt er þetta gert með dyggum stuðningi tveggja verkalýðsleiðtoga sem blanda sér nú með beinum hætti inn í félagsmál Eflingar. Ef til vill hugsa þeir ekki málið til enda þannig að ef félög almennt hafi afskipti af innri málum hvers annars, þá geti svo farið að kosningar til stjórna í verkalýðshreyfingunni endi í glundroða. Eflaust hafa þeir heldur ekki hugsað afleiðingar þess sem þessi hópur formanna VR, VLFA og formannsefni Eflingar hafa vélað um undanfarið, að brjóta niður hreyfingu launafólks innan ASÍ. Hvar getur það endað nema með því að verkalýðshreyfingin veikist? Er það tilgangurinn með þessu brambolti? Tæplega! Eðlilegt er að spurt sé. Hvar hefur þetta fólk verið? Af hverju hefur það aldrei sést á fundum í Eflingu? Af hverju hefur þetta fólk ekki verið sýnilegra í félaginu sem þau hyggjast yfirtaka? Af hverju hafa þessir félagsmenn ekki komið til félagsins og boðið fram starfskrafta sína til góðra verka og til að vinna sjónarmiðum sínum fylgi? Er einhver þeirra trúnaðarmaður á vinnustað sínum?Bara „ófaglærður starfsmaður“ Sólveigu Önnu er tamt að nota orðið „ófaglærður starfsmaður“ um starf sitt í leikskólanum. Við hjá Eflingu höfum barist af krafti fyrir því að útrýma þessu hugtaki. Hugtakið er niðurlægjandi og til skammar því í reynd er enginn starfsmaður „ófaglærður“ á sínum vinnustað. Starfsmenn á leikskólum hafa margir farið í ýmiss konar nám og námskeið sem tengjast leikskólanum. Það er niðrandi fyrir fólk með alla þessa reynslu og þekkingu að nota þetta hugtak um stöðu þess. En líklega þekkir hún ekki umræðuna í okkar röðum síðasta áratuginn þegar við höfum reynt að útrýma þessu orði. Hún þekkir ekki til umræðunnar af því hún hefur ekkert verið á fundum eða viðburðum í félaginu. Við á A-lista stjórnar og trúnaðarráðs erum verkafólk af gólfinu úti í vinnuumhverfinu eins og hverjir aðrir félagsmenn með áhuga á verkalýðsmálum. Við komum m.a. úr leikskóla, grunnskóla, Eimskipum, Samskipum, Ölgerðinni, öldrunarþjónustu Reykjavíkur, Össuri, Grand Hóteli, Skinney Þinganes í Þorlákshöfn, Eldisstöðinni Ísþóri og Orkuveitunni. Við erum flest öll trúnaðarmenn okkar vinnustaða og ég er einnig aðaltrúnaðarmaður Reykjavíkurborgar. Ég hef í starfi aðaltrúnaðarmanns hjá borginni aðstoðað fjöldann allan af félagsmönnum Eflingar í málum sem upp hafa komið á vinnustöðum þeirra. Má þar nefna kjaramál, áminningarmál, eineltismál svo nokkuð sé nefnt. Öflugt starf hefur verið unnið í fræðslumálum sem félagsmenn hafa mikið nýtt sér og mikið um námskeið fyrir erlenda hópinn. Efling hefur m.a. hrint af stað miklu og öflugu námi á ýmsum sviðum. Má þar nefna félagsliðanámið: félagliðinn fyrir erlenda starfsmenn, leikskólaliðinn og skólaliðinn o.fl. Allt er þetta nám félagsmönnum að kostnaðarlausu. Það hefur verið stöðug en samt hófleg endurnýjun í stjórn Eflingar á síðustu árum. Það er alltaf gott að fá nýtt fólk og nýjar skoðanir. Það hefur verið skipt um helming stjórnarmanna síðan 2014. En reynslan hefur kennt mér að það tekur tíma að læra inn á flókið umhverfi vinnumarkaðar og ekki gott ef endurnýjun er of hröð og þekking þeirra sem út fara glatast. En mikilvægast af öllu er að við látum ekki stjórnmálamenn segja okkur fyrir verkum. Sama á við um verkalýðsleiðtoga annarra stéttarfélaga. Ingvar Vigur Halldórsson býður sig ekki fram undir merkjum stjórnmálaflokks heldur sem glæsilegur ungur leiðtogi sem hefur tekið þátt í verkalýðsbaráttu frá því hann var 16 ára gamall. Það er mikið fagnaðarefni þegar við fáum í forystu svo öflugan einstakling sem brennur fyrir málefnum verkafólks. Ég vil nota tækifærið og hvetja alla félagsmenn Eflingar til að styðja það góða starf sem Efling hefur unnið á liðnum árum og aflað sér trausts og virðingar í samfélaginu. Þess vegna styðja félagsmenn A lista stjórnar og trúnaðarráðs.Höfundur hefur setið í stjórn félagsins um árabil og gegnt ýmsum trúnaðarstörfum fyrir Eflingu. Hún er aðaltrúnaðarmaður Eflingar hjá Reykjavíkurborg. Viltu birta grein á Vísi? Sendu okkur póst. Senda grein Mest lesið Skautadrottningin Katrín Jakobsdóttir Einar Steingrímsson Skoðun Öfgar og ósannindi Oddný G. Harðardóttir Skoðun Þegar orðið einelti er gjaldfellt – Til fylgjenda Katrínar Jakobsdóttur Kolbrá Höskuldsdóttir Skoðun Að velja sér forseta Sigrún Helgadóttir Skoðun Fátækt er ekki blankheit Guðmunda G. Guðmundsdóttir Skoðun Hverjir bera ábyrgð á að halda launum kvenna niðri? Diljá Mist Einarsdóttir Skoðun Katrín á Bessastaði Björn Snæbjörnsson Skoðun Fremst meðal jafningja: Halla Tómasdóttir á Bessastaði Birna Jónsdóttir Skoðun Fararheill til Bessastaða Ynda Eldborg Skoðun Þegar ég heyri nafnið Katrín Jakobsdóttir Hans Alexander Margrétarson Hansen Skoðun Skoðun Skoðun Fátækt er ekki blankheit Guðmunda G. Guðmundsdóttir skrifar Skoðun Fremst meðal jafningja: Halla Tómasdóttir á Bessastaði Birna Jónsdóttir skrifar Skoðun Skautadrottningin Katrín Jakobsdóttir Einar Steingrímsson skrifar Skoðun Hulda eða Stoltenberg? Ögmundur Jónasson skrifar Skoðun Katrín á Bessastaði Björn Snæbjörnsson skrifar Skoðun Hvað er það sem Alþingi ber að vernda á Þingvöllum? Lára Magnúsardóttir skrifar Skoðun Öllu frelsi fylgir ábyrgð, líka tjáningarfrelsinu Arnar Þór Jónsson skrifar Skoðun Vegna umræðunnar um dánaraðstoð Ingrid Kuhlman,Bjarni Jónsson,Steinar Harðarson,Sylviane Lecoultre,Veturliði Þór Stefánsson,Íris Davíðsdóttir skrifar Skoðun Að velja sér forseta Sigrún Helgadóttir skrifar Skoðun Sameiningartákn á tímum sundrungar Birna Gunnlaugsdóttir skrifar Skoðun Hvað væri lífið án vina? Valerio Gargiulo skrifar Skoðun Hverjir bera ábyrgð á að halda launum kvenna niðri? Diljá Mist Einarsdóttir skrifar Skoðun Fararheill til Bessastaða Ynda Eldborg skrifar Skoðun Öfgar og ósannindi Oddný G. Harðardóttir skrifar Skoðun Tímabær orð Unnar Arndísardóttur um afstæði barneigna Matthildur Björnsdóttir skrifar Skoðun Í hjarta sínu græn, en varla í reynd Ole Anton Bieltvedt skrifar Skoðun Halla Hrund - ein af okkur Hjálmar Gíslason skrifar Skoðun Að sameina frekar en sundra Fríða Björk Ingvarsdóttir skrifar Skoðun Þegar orðið einelti er gjaldfellt – Til fylgjenda Katrínar Jakobsdóttur Kolbrá Höskuldsdóttir skrifar Skoðun Hvaða eiginleika þarf forseti að hafa? Hildur Eir Bolladóttir skrifar Skoðun Þegar ég heyri nafnið Katrín Jakobsdóttir Hans Alexander Margrétarson Hansen skrifar Skoðun Í framhaldi af viðtali við Helgu Þórisdóttur Kári Stefánsson skrifar Skoðun Góð gildi og staðfesta Höllu Hrundar Margrét Reynisdóttir skrifar Skoðun Halla Hrund eða Katrín? Reynir Böðvarsson skrifar Skoðun Til áréttingar Kári Stefánsson skrifar Skoðun Kynhlutlaust mál, máltilfinning og forsetaframboð Höskuldur Þráinsson skrifar Skoðun Er klassískt frjálslyndi orðið að jaðarskoðun? Kári Allansson skrifar Skoðun Forseti Íslands veifaði mér Fjóla Einarsdóttir skrifar Skoðun Ákall til framtíðar: Nám í félagsráðgjöf! Steinunn Bergmann skrifar Skoðun Lexía lærð á hálfum degi Stefanía Arnardóttir skrifar Sjá meira
Mikið hefði lífið í verkalýðsbaráttunni hjá Eflingu stéttarfélagi verið frábært og glæsilegt ef við hefðum í gegnum árin fengið að njóta starfskrafta þeirra sjö frambjóðenda sem bjóða nú fram lista sem leiddur er af áttunda frambjóðandanum, „róttæka aðgerðarsinnanum“ Sólveigu Önnu Jónsdóttur. Hún býður sig fram sem formann Eflingar undir dyggri stjórn Gunnars Smára Egilssonar formanns Sósíalistaflokksins sem auglýsti sérstaklega eftir Eflingarfélögum til að steypa núverandi stjórn Eflingar. Spurning er hvort tilgangurinn sé brennandi áhugi á kjarabaráttu launafólks eða að stjórnmálaflokkur sem engan hljómgrunn hefur fengið í kosningum eða könnunum, ætli nú með þaulskipulögðum hætti að leggja undir sig verkalýðsfélög og samtök launafólks og vinna sig síðan áfram upp stigann. Verkalýðsbaráttan sé ekki aðalatriðið heldur valda- og stjórnmálabarátta. Allt er þetta gert með dyggum stuðningi tveggja verkalýðsleiðtoga sem blanda sér nú með beinum hætti inn í félagsmál Eflingar. Ef til vill hugsa þeir ekki málið til enda þannig að ef félög almennt hafi afskipti af innri málum hvers annars, þá geti svo farið að kosningar til stjórna í verkalýðshreyfingunni endi í glundroða. Eflaust hafa þeir heldur ekki hugsað afleiðingar þess sem þessi hópur formanna VR, VLFA og formannsefni Eflingar hafa vélað um undanfarið, að brjóta niður hreyfingu launafólks innan ASÍ. Hvar getur það endað nema með því að verkalýðshreyfingin veikist? Er það tilgangurinn með þessu brambolti? Tæplega! Eðlilegt er að spurt sé. Hvar hefur þetta fólk verið? Af hverju hefur það aldrei sést á fundum í Eflingu? Af hverju hefur þetta fólk ekki verið sýnilegra í félaginu sem þau hyggjast yfirtaka? Af hverju hafa þessir félagsmenn ekki komið til félagsins og boðið fram starfskrafta sína til góðra verka og til að vinna sjónarmiðum sínum fylgi? Er einhver þeirra trúnaðarmaður á vinnustað sínum?Bara „ófaglærður starfsmaður“ Sólveigu Önnu er tamt að nota orðið „ófaglærður starfsmaður“ um starf sitt í leikskólanum. Við hjá Eflingu höfum barist af krafti fyrir því að útrýma þessu hugtaki. Hugtakið er niðurlægjandi og til skammar því í reynd er enginn starfsmaður „ófaglærður“ á sínum vinnustað. Starfsmenn á leikskólum hafa margir farið í ýmiss konar nám og námskeið sem tengjast leikskólanum. Það er niðrandi fyrir fólk með alla þessa reynslu og þekkingu að nota þetta hugtak um stöðu þess. En líklega þekkir hún ekki umræðuna í okkar röðum síðasta áratuginn þegar við höfum reynt að útrýma þessu orði. Hún þekkir ekki til umræðunnar af því hún hefur ekkert verið á fundum eða viðburðum í félaginu. Við á A-lista stjórnar og trúnaðarráðs erum verkafólk af gólfinu úti í vinnuumhverfinu eins og hverjir aðrir félagsmenn með áhuga á verkalýðsmálum. Við komum m.a. úr leikskóla, grunnskóla, Eimskipum, Samskipum, Ölgerðinni, öldrunarþjónustu Reykjavíkur, Össuri, Grand Hóteli, Skinney Þinganes í Þorlákshöfn, Eldisstöðinni Ísþóri og Orkuveitunni. Við erum flest öll trúnaðarmenn okkar vinnustaða og ég er einnig aðaltrúnaðarmaður Reykjavíkurborgar. Ég hef í starfi aðaltrúnaðarmanns hjá borginni aðstoðað fjöldann allan af félagsmönnum Eflingar í málum sem upp hafa komið á vinnustöðum þeirra. Má þar nefna kjaramál, áminningarmál, eineltismál svo nokkuð sé nefnt. Öflugt starf hefur verið unnið í fræðslumálum sem félagsmenn hafa mikið nýtt sér og mikið um námskeið fyrir erlenda hópinn. Efling hefur m.a. hrint af stað miklu og öflugu námi á ýmsum sviðum. Má þar nefna félagsliðanámið: félagliðinn fyrir erlenda starfsmenn, leikskólaliðinn og skólaliðinn o.fl. Allt er þetta nám félagsmönnum að kostnaðarlausu. Það hefur verið stöðug en samt hófleg endurnýjun í stjórn Eflingar á síðustu árum. Það er alltaf gott að fá nýtt fólk og nýjar skoðanir. Það hefur verið skipt um helming stjórnarmanna síðan 2014. En reynslan hefur kennt mér að það tekur tíma að læra inn á flókið umhverfi vinnumarkaðar og ekki gott ef endurnýjun er of hröð og þekking þeirra sem út fara glatast. En mikilvægast af öllu er að við látum ekki stjórnmálamenn segja okkur fyrir verkum. Sama á við um verkalýðsleiðtoga annarra stéttarfélaga. Ingvar Vigur Halldórsson býður sig ekki fram undir merkjum stjórnmálaflokks heldur sem glæsilegur ungur leiðtogi sem hefur tekið þátt í verkalýðsbaráttu frá því hann var 16 ára gamall. Það er mikið fagnaðarefni þegar við fáum í forystu svo öflugan einstakling sem brennur fyrir málefnum verkafólks. Ég vil nota tækifærið og hvetja alla félagsmenn Eflingar til að styðja það góða starf sem Efling hefur unnið á liðnum árum og aflað sér trausts og virðingar í samfélaginu. Þess vegna styðja félagsmenn A lista stjórnar og trúnaðarráðs.Höfundur hefur setið í stjórn félagsins um árabil og gegnt ýmsum trúnaðarstörfum fyrir Eflingu. Hún er aðaltrúnaðarmaður Eflingar hjá Reykjavíkurborg.
Þegar orðið einelti er gjaldfellt – Til fylgjenda Katrínar Jakobsdóttur Kolbrá Höskuldsdóttir Skoðun
Skoðun Vegna umræðunnar um dánaraðstoð Ingrid Kuhlman,Bjarni Jónsson,Steinar Harðarson,Sylviane Lecoultre,Veturliði Þór Stefánsson,Íris Davíðsdóttir skrifar
Skoðun Þegar orðið einelti er gjaldfellt – Til fylgjenda Katrínar Jakobsdóttur Kolbrá Höskuldsdóttir skrifar
Þegar orðið einelti er gjaldfellt – Til fylgjenda Katrínar Jakobsdóttur Kolbrá Höskuldsdóttir Skoðun