Rafrettufrumvarpið samþykkt með 54 samhljóða atkvæðum

Rafrettufrumvarp Svandísar Svavarsdóttur, heilbrigðisráðherra, var samþykkt á Alþingi núna skömmu eftir klukkan 15 í dag með 54 samhljóða atkvæðum. Voru níu þingmenn fjarstaddir atkvæðagreiðsluna.

Frumvarpið hefur verið umdeilt en þingheimur er nú að því er virðist sammála um ágæti þess. Frumvarpið setur ýmsar skorður á innflutning, sölu og dreifingu á rafrettum og efnum í þær og finnst mörgum of langt gengið með því.

Þannig hafa „veiparar,“ það er fólk sem notar rafrettur, fjölmennt í mótmæli við þinghúsið undanfarið til að láta í ljós skoðun sína á frumvarpinu.