Sjáðu sigurmark City gegn Chelsea og öll hin

Níu leikir fóru fram í ensku úrvalsdeildinni um helgina og komst Manchester City skrefi nær titlinum er liðið hafði betur gegn Englandsmeisturum Chelsea, 1-0.

City er nú með átján stiga forystu á Liverpool á toppi deildarinnar en Manchester United getur endurheimt annað sætið og minnkað forystu City í sextán stig með sigri á Crystal Palace í lokaleik umferðarinnar á mánudagskvöld.

Tottenham vann sinn leik um helgina og náði fimm stiga forystu á Chelsea sem er í fimmta sæti. Efstu fjögur liðin komast í Meistaradeild Evrópu en nú lítur út fyrir að Arsenal verði ekki í þeim hópi eftir enn eitt tapið um helgina, nú fyrir Brighton.

Arsenal er í sjötta sætinu með 45 stig, þrettán stigum á eftir Tottenham sem er í því fjórða.

Hér fyrir neðan má sjá samantektir úr öllum leikjum helgarinnar.

Burnley - Everton 2-1

Watford - West Brom 1-0

Swansea - West Ham 4-1

Southampton - Stoke 0-0

Leicester - Bournemouth 1-1

Tottenham - Huddersfield 2-0

Liverpool - Newcastle 2-0

Brighton - Arsenal 2-1