Svo leggjum við áherslu á þríraddaðan söng Gunnþóra Gunnarsdóttir skrifar 2. ágúst 2018 08:00 Örn Eldjárn, Valeria Pozza og Ösp Eldjárn í sælunni á Seyðisfirði í síðasta mánuði þar sem þau héldu tónleika í Bláu kirkjunni. Stefano Pandoan „Við erum svona altmúligt-band. Bæði Örn og Valeria bregða sér í allra kvikinda líki, hann spilar á hvað sem er og hún er fiðluleikari en líka lagasmiður, söngkona og gítarleikari. Ég er hálf vandræðaleg í miðjunni og syng bara,“ segir Ösp Eldjárn glaðlega þegar forvitnast er um það sem fram undan er í Hannesarholti í kvöld. Þar kemur Ösp fram ásamt Erni, bróður sínum og Valeriu Pozzo. Systkinin eru að norðan en Pozzo frá Ítalíu. „Við erum öll að flytja eigin lagasmíðar í þessum túr. Örn brestur í söng og Valeria líka. Við röddum og spilum undir hvert hjá öðru, þannig að úr verður samhljómur,“ útlistar Ösp. En hvaða túr er hún að tala um? „Við vorum að koma að austan og norðan. Byrjuðum á Seyðisfirði, í tónleikaröðinni Bláu kirkjunni, það var mjög gaman. Svo fórum við á Havarí á Berufjarðarströnd, þar var líka ógurlega indælt. Enduðum svo túrinn á Kópaskeri, þar er menningarfélag sem kallar sig Flygilvini og fékk okkur til að koma. Það er mjög flottur flygill í Skjálftasafninu, í gamla grunnskólanum á Kópaskeri. Við héldum tónleika þar og það var fallegt og gaman að koma þangað.“ Hver skyldi svo hafa spilað á flygilinn fína? „Örn brá sér á flygilinn, það er fátt sem hann ekki getur. Svo erum við með ljósmyndara með okkur, sem heitir Stefano og er frá Feneyjum, hann er konsertmeistari og þegar hann sér flygil, sest hann niður og lætur okkur djamma eitthvað með sér.“ Ösp segir undirtektir hvarvetna hafa verið góðar. „Svo er lokahnykkurinn eftir, í Hannesarholti í kvöld. Ég hef ekki verið með tónleika þar áður en fylgdi tveimur enskum vinkonum þangað fyrir hálfum mánuði, þær sigldu frá Skotlandi yfir til Orkneyja, þaðan til Færeyja og svo til Íslands og héldu tónleika í Hannesarholti. Mér leist vel á salinn. Það er líka fallegt samstarf milli Hannesarholts og Kítón (Konur í tónlist) og gaman að vera með í þeirri tónleikaröð, sérstaklega af því meirihluti bandsins er konur.“ Efninu sem hópurinn flytur lýsir Ösp svo: „Það er þjóðlagaskotið – smá indí – með djasstvisti. Mín tónlist þykir draumkennd. Svo leggjum við áherslu á þríraddaðan söng. Þetta er alþýðustemning.“ Ösp hélt til Lundúna í tónlistarnám árið 2011 og kynntist þar Valeriu Pozzo. Þær hafa síðan starfað mikið saman, Valeria lék til dæmis á fiðlu og víólu á plötu Aspar, Tales from a Poplar Tree, sem var tilnefnd til íslensku tónlistarverðlaunanna 2018 í flokki þjóðlagatónlistar. Spurð hvort Valeria Pozzo búi á Íslandi svarar Ösp: „Nei, Valeria býr í London, kom bara með okkur í þessa ferð og það var gaman. Ég vona að hún komi á hverju ári, það væri partur af sumrinu.“ Birtist í Fréttablaðinu Menning Mest lesið Fann ástina á Balí en nýtur hennar í Kóreu Lífið „Þarna fylltist hjartað af hamingju“ Lífið Fréttatía vikunnar: Verslunarmannahelgin, forsetaheimsókn og mannasaur Lífið „Það var tímapunktur sem ég talaði aldrei um neitt“ Menning Óvænt nöfn á könnu Köngulóarmannsins Bíó og sjónvarp Útskúfaður úr Hollywood vegna kossareglunnar Lífið Robert Wilson er látinn Lífið Gary Busey játar kynferðisbrot Lífið Þrettán bestu lög Ozzy Osbourne Lífið Dularfullur veðurbreytir Jakobs Frímanns og maðurinn á bak við hann Lífið Fleiri fréttir Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Útskúfaður úr Hollywood vegna kossareglunnar Dularfullur veðurbreytir Jakobs Frímanns og maðurinn á bak við hann Uppljóstrar um síðustu skilaboðin sem hann fékk frá Ozzy Góðhjartaður dýrahirðir og tæknigúrú Draumabrúðkaup í sextíu ára gömlum kjól frá ömmu Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Fyrstu tónleikar Purrksins í fjörutíu ár Sweeney sökuð um kynþáttahyggju Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Sjá meira
„Við erum svona altmúligt-band. Bæði Örn og Valeria bregða sér í allra kvikinda líki, hann spilar á hvað sem er og hún er fiðluleikari en líka lagasmiður, söngkona og gítarleikari. Ég er hálf vandræðaleg í miðjunni og syng bara,“ segir Ösp Eldjárn glaðlega þegar forvitnast er um það sem fram undan er í Hannesarholti í kvöld. Þar kemur Ösp fram ásamt Erni, bróður sínum og Valeriu Pozzo. Systkinin eru að norðan en Pozzo frá Ítalíu. „Við erum öll að flytja eigin lagasmíðar í þessum túr. Örn brestur í söng og Valeria líka. Við röddum og spilum undir hvert hjá öðru, þannig að úr verður samhljómur,“ útlistar Ösp. En hvaða túr er hún að tala um? „Við vorum að koma að austan og norðan. Byrjuðum á Seyðisfirði, í tónleikaröðinni Bláu kirkjunni, það var mjög gaman. Svo fórum við á Havarí á Berufjarðarströnd, þar var líka ógurlega indælt. Enduðum svo túrinn á Kópaskeri, þar er menningarfélag sem kallar sig Flygilvini og fékk okkur til að koma. Það er mjög flottur flygill í Skjálftasafninu, í gamla grunnskólanum á Kópaskeri. Við héldum tónleika þar og það var fallegt og gaman að koma þangað.“ Hver skyldi svo hafa spilað á flygilinn fína? „Örn brá sér á flygilinn, það er fátt sem hann ekki getur. Svo erum við með ljósmyndara með okkur, sem heitir Stefano og er frá Feneyjum, hann er konsertmeistari og þegar hann sér flygil, sest hann niður og lætur okkur djamma eitthvað með sér.“ Ösp segir undirtektir hvarvetna hafa verið góðar. „Svo er lokahnykkurinn eftir, í Hannesarholti í kvöld. Ég hef ekki verið með tónleika þar áður en fylgdi tveimur enskum vinkonum þangað fyrir hálfum mánuði, þær sigldu frá Skotlandi yfir til Orkneyja, þaðan til Færeyja og svo til Íslands og héldu tónleika í Hannesarholti. Mér leist vel á salinn. Það er líka fallegt samstarf milli Hannesarholts og Kítón (Konur í tónlist) og gaman að vera með í þeirri tónleikaröð, sérstaklega af því meirihluti bandsins er konur.“ Efninu sem hópurinn flytur lýsir Ösp svo: „Það er þjóðlagaskotið – smá indí – með djasstvisti. Mín tónlist þykir draumkennd. Svo leggjum við áherslu á þríraddaðan söng. Þetta er alþýðustemning.“ Ösp hélt til Lundúna í tónlistarnám árið 2011 og kynntist þar Valeriu Pozzo. Þær hafa síðan starfað mikið saman, Valeria lék til dæmis á fiðlu og víólu á plötu Aspar, Tales from a Poplar Tree, sem var tilnefnd til íslensku tónlistarverðlaunanna 2018 í flokki þjóðlagatónlistar. Spurð hvort Valeria Pozzo búi á Íslandi svarar Ösp: „Nei, Valeria býr í London, kom bara með okkur í þessa ferð og það var gaman. Ég vona að hún komi á hverju ári, það væri partur af sumrinu.“
Birtist í Fréttablaðinu Menning Mest lesið Fann ástina á Balí en nýtur hennar í Kóreu Lífið „Þarna fylltist hjartað af hamingju“ Lífið Fréttatía vikunnar: Verslunarmannahelgin, forsetaheimsókn og mannasaur Lífið „Það var tímapunktur sem ég talaði aldrei um neitt“ Menning Óvænt nöfn á könnu Köngulóarmannsins Bíó og sjónvarp Útskúfaður úr Hollywood vegna kossareglunnar Lífið Robert Wilson er látinn Lífið Gary Busey játar kynferðisbrot Lífið Þrettán bestu lög Ozzy Osbourne Lífið Dularfullur veðurbreytir Jakobs Frímanns og maðurinn á bak við hann Lífið Fleiri fréttir Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Útskúfaður úr Hollywood vegna kossareglunnar Dularfullur veðurbreytir Jakobs Frímanns og maðurinn á bak við hann Uppljóstrar um síðustu skilaboðin sem hann fékk frá Ozzy Góðhjartaður dýrahirðir og tæknigúrú Draumabrúðkaup í sextíu ára gömlum kjól frá ömmu Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Fyrstu tónleikar Purrksins í fjörutíu ár Sweeney sökuð um kynþáttahyggju Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Sjá meira