Þrír voru fluttir á slysadeild til skoðunar eftir tveggja bíla árekstur á Miklubraut við Nauthólsveg.
Tilkynnt var um slysið um sjöleytið og er enginn talinn alvarlega slasaður en sem fyrr segir voru þrír fluttir á slysadeild til að gæta fyllsta öryggis.
Í fyrstu var talið að olíuleki væri á vettvangi og sendi slökkvilið dælubíl á svæðið að sögn varðstjóra en í ljós kom að um var að ræða leka úr vatnskassa.
Þrír fluttir á slysadeild eftir árekstur á Miklubraut
