Oddur markahæstur í sigri á Ragnari og félögum

Oddur Grétarsson var markahæstur leikmanna Balingen-Weilstetten er liðið lagði Ragnar Jóhannsson og félaga í Huttenberg í næst efstu deild þýska handboltans.



Það var Íslendingaslagur í þýsku 2. deildinni í handbolta þegar Balingen og Huttenberg áttust við í dag.



Balingen hafði yfirhöndina nær allan leikinn og leiddu þeir í hálfleik með sjö mörkum, 16-9.



Balingen byrjaði seinni hálfleikinn af krafti en þá fór að halla aðeins undir fæti og Huttenberg minnkaði muninn.



Það var hins vegar ekki nóg lokatölur 27-24.



Oddur Grétarsson átti frábæran leik í liði Balingen og var hann markahæsti leikmaður liðsins með átta mörk. Þá átti Ragnar Jóhannsson einnig fínan leik í liði Huttenberg og skoraði hann þrjú mörk.



Balingen er í toppbaráttu í 2. deildinni en með sigrinum er liðið komið í fjórða sæti deildarinnar með 17 stig. Balingen á leik til góða á liðin fyrir ofan.



Huttenberg er í 12. sæti deildarinnar með 11 stig.