Aron skoraði þrjú fyrir Barcelona í toppslag

Aron Pálmarsson skoraði þrjú mörk í sigri Barcelona á HC Vardar í Meistaradeildinni í kvöld.

 

HC Vardar og Barcelona mættust í toppslag A-riðils í Meistaradeild Evrópu í kvöld.



Aron skoraði fyrsta mark leiksins og Barcelona lét forystuna aldrei af hendi eftir það.



Barcelona leiddi með fjórum mörkum í hálfleik, 13-9.



Svipað var upp á teningnum í seinni hálfleik og í þeim fyrri. Barcelona ívið sterkari og náðu þeir best sex marka forystu.



Svo fór að Barcelona vann með fjórum mörkum, 30-26 og tylltu þeir sér á toppinn í A-riðli með sigrinum.