Viðskipti innlent

Sjóðsfélagar fá forgang að íbúðum eldri borgara

Stefán Ó. Jónsson skrifar
Íbúðirnar við Suðurlandsbraut eru 74 talsins.
Íbúðirnar við Suðurlandsbraut eru 74 talsins. Lífsverk

Lífeyrissjóðurinn Lífsverk og Íbúðir eldri borgara í Mörk ehf., hafa undirritað samkomulag um langtíma fjármögnun á íbúðum eldri borgara við Suðurlandsbraut 68 – 70. Fram kemur í tilkynningu frá Lífsverki að í samkomulaginu felist að sjóðfélagar Lífsverks njói „ákveðins forgangs við úthlutun á íbúðunum.“ Lífsverk sé þannig fyrsti lífeyrissjóðurinn sem tryggir sjóðsfélögum sínum forgang að íbúðum fyrir eldri borgara.

Íbúðirnar við Suðurlandsbraut eru 74 talsins og samkvæmt samkomulaginu munu sjóðsfélagar Lífsverks fá forgang að 20 íbúðum. Haft er eftir Jóni L. Árnasyni, framkvæmdastjóra Lífsverks, segir að um vatnaskil sé að ræða í sögu íslenskra lífeyrissjóða.

„Við höfum leitað leiða til að koma til móts við sjóðsfélaga okkar sem vilja öryggi á efri árum og þegar leitað var til okkar eftir fjármögnun að verkefninu, sáum við strax tækifæri í þessu og gengum til samninga á þessum forsendum og brjótum þannig blað í sögu lífeyrissjóða,“ segir Jón.

Sigurður Harðarson hjá Centra ráðgjöf, Gísli Páll Pálsson, framkvæmdastjóri Íbúða eldri borgara í Mörk ehf., Jón L. Árnason, framkvæmdastjóri Lífsverks og Júlíus Rafnsson, stjórnarformaður Íbúða eldri borgara í Mörk ehf. Lífsverk

Framkvæmdastjóri Íbúða eldri borgara í Mörk ehf., Gísli Páll Pálsson, segist í tilkynningunni telja að þessi fjármögnunarleið verði fyrirferðameiri í framtíðinni. „Lífsverk fær með þessum samningi forgang að 10 íbúðum sem losna, því næst koma þeir sem eru á almennum biðlistum og þá fær Lífsverk aftur forgang að næstu 10 íbúðum. Að fá Lífsverk að borðinu sem fjármögnunaraðila er góður kostur og ég tel að lífeyrissjóðir muni í æ ríkari mæli snúa sér að slíkum verkefnum,“ segir Gísli.

„Úr íbúðunum er innangengt í hjúkrunarheimilið Mörk þar sem hægt er kaupa heitan mat í hádeginu, fara til sjúkraþjálfara, öldrunarlæknis, í hárgreiðslu og fótsnyrtingu. Þá verður opnuð sundlaug og líkamsrækt í vetrarbyrjun í tengslum við íbúðirnar,“ segir Gísli Páll.

Lífsverk var stofnaður árið 1954 og er opinn lífeyrissjóður fyrir háskólamenntaða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,97
21
102.289
FESTI
2,84
16
385.019
MAREL
2,39
26
506.488
BRIM
2,37
6
62.304
VIS
2,13
17
431.999

Mesta lækkun dagsins


Félag
Br.%
Fjöldi
Velta*
EIM
-1,37
2
27.000
ARION
-1,24
25
330.100
LEQ
-0,92
4
131.254
SYN
-0,27
1
2.092
Velkomin á Vísi. Þessi vefur notar vafrakökur. Sjá nánar.