Alfreð orðinn markahæsti leikmaður Augsburg í Bundesligunni

Alfreð Finnbogason snéri aftur á völlinn í dag eftir meiðsli og hann gerði það með stæl er hann skoraði þrjú mörk í sigri Augsburg.

Alfreð hefur verið að glíma við meiðsli eftir HM en hann þakkaði heldur betur traustið í byrjunarliði Augsburg í dag með þremur mörkum.

Þessi þrjú mörk gerðu það a verkum að Alfreð er nú orðinn markahæsti leikmaður Augsburg allra tíma í þýsku úrvalsdeildinni með 25 mörk.

Hann tók þar með fram úr Tobias Werner sem spilaði 187 leiki með Augsburg frá 2008 til 2016 en Alfreð hefur einungis verið í Augsburg rúm tvö ár.

25 - With his hat-trick against SC Freiburg, @A_Finnbogason becomes @FCA_World all-time leading scorer in the #Bundesliga with 25 goals. Finisher. #FCASCF pic.twitter.com/UGiFWjtv2v

— OptaFranz (@OptaFranz) September 30, 2018