Lúxemborgska hýsingar- og gagnavinnsluþjónustan Etix Group hefur fjárfest í Borealis Data Centers sem rekur tvö gagnaver á Íslandi. Með fjárfestingunni er Etix komið með ráðandi hlut, um 55 prósent, í BDC sem hefur formlega skipt um nafn og mun framvegis heita Etix Everywhere Borealis.
Þetta staðfestir Björn Brynjúlfsson, framkvæmdastjóri Borealis Data Centers, í samtali við Markaðinn.
„Etix er að koma inn sem ráðandi hluthafi hjá okkur. Þetta er alþjóðlegt fyrirtæki með rekstur úti um allan heim sem mun styrkja uppbyggingu hér heima verulega,“ segir Björn. „Við erum á kafi í uppbygginu með þeim sem er smátt og smátt að taka á sig góða mynd.“
BDC rekur eitt gagnaver á Fitjum í Njarðvík og annað á Blönduósi við Svínvetningabraut. Það var nýlega gangsett en áætlað er að uppbyggingu á aðstöðunni ljúki fyrir árslok. Saman hafa þessi gagnaver hýsingargetu fyrir 30 þúsund netþjóna en vegna mikillar eftirspurnar frá alþjóðlegum fyrirtækjum er öll hýsingin uppseld.
„Ísland er hagkvæm staðsetning fyrir gagnaver af þessum toga þökk sé köldu loftslagi og raforkuöryggi,“ segir Björn og vísar því til stuðnings til niðurstaðna úr alþjóðlegum rannsóknum
Lúxemborgarar fjárfesta í Borealis
Þorsteinn Friðrik Halldórsson skrifar

Mest lesið

Rekstrarhagnaðurinn þremur milljónum krónum hærri
Viðskipti innlent

Risinn sem var of stór til að falla er fallinn
Viðskipti erlent

Umframeftirspurn eftir skuldabréfum Play
Viðskipti innlent

Þrjú ráðin til Landsbyggðar
Viðskipti innlent



Vilhjálmur í Smáríkinu ákærður fyrir að selja eina hvítvínsbelju
Viðskipti innlent

Skattakóngurinn flytur úr landi
Viðskipti innlent

Gunnar Ágúst til Dineout
Viðskipti innlent

Melabúðarbræður með hálfan milljarð í fyrra
Viðskipti innlent