Síðasta tímabil Alfreðs hefst á sigri

Alfreð Gíslason hóf formlega sitt síðasta tímabil sem þjálfari Kiel í dag er þýska stórliðið hóf leik í þýsku úrvalsdeildinni í handbolta.



Liðið mætti Die Eulen Ludwigshafen en þeir höfðu tapað fyrsta leik sínum.

 

Ludwigshafen var ekki mikil fyrirstaða fyrir Kiel, og fóru lærisveinar Alfreðs nokkuð þægilega í gegnum fyrstu prófraunina.



Lukas Nilsson og Niclas Ekberg voru markahæstir hjá Kiel en þeir skoruðu báðir sex mörk.



FH-ingurinn ungi, Gísli Þorgeir Kristjánsson er samningsbundinn Kiel en hann var ekki með þýska stórliðinu í dag. Gísli er að jafna sig eftir meiðsli.