Götulokanir í Hafnarfirði vegna malbikunar

Töluvert verður um götulokanir í Hafnarfirði í dag vegna malbikunar, að því er fram kemur í tilkynningu frá Hafnarfjarðarbæ. Þá vekur lögregla einnig athygli vegfarenda á lokununum.

Flatahraun frá Haukahrauni að Reykjavíkurvegi, akreininni til vesturs, verður lokað frá 8:45 til 14:00. Þá verður Sléttahraun frá Flatahrauni að nr. 28 lokað frá 14:00 til 16:00 og Flatahraun frá Reykjavíkurvegi að Sléttahrauni, akreininni til austurs, lokað frá 16:00 til 18:00. Að lokum verða gatnamótin Hjallhraun/Helluhraun lokuð frá 18:00 til 22:00. 

Lokanirnar má sjá betur á meðfylgjandi myndum í stöðuuppfærslu Hafnarfjarðarbæjar.