Frægasta leikkona Kína ekki sést í meira en mánuð

Kínverska leikkonan Fan Bingbing, sem er meðal hæst launuðustu leikkvenna heims og ein allra vinsælasta leikkona Kína, hefur ekki sést opinberlega síðan 1. júlí. Einnig hefur hún ekkert birt á samfélagsmiðlum síðan 24. júlí.

Fan er 36 ára gömul og er talin vera mjög áhrifamikil í kínverska skemmtanabransanum. Hún er mjög vinsæl á kínverskum samfélagsmiðlum og hefur alla tíð verið mjög virkur notandi þeirra.

Fan sást síðast á almannafæri þegar hún heimsótti barnaspítala í Kína þann 1. júlí. Hún hefur ekki heldur birt neitt á samfélagsmiðlum síðan 2. júní, en síðasta virkni hennar á samfélagsmiðlum var þann 24. júlí þegar hún „like-aði“ nokkrar færslur á kínverska samfélagsmiðlinum Weibo.

Aðdáendur hennar eru mjög áhyggjufullir yfir fjarveru hennar á samfélagsmiðlum og skilja nú eftir athugasemdir undir gömlum færslum hennar í gríð og erg í von um að hún svari.

Kínverskir fjölmiðlar hafa reynt að ná sambandi við Fan og aðstandendur hennar síðustu daga án árangurs.