Tveir bifhjólamenn slasaðir eftir slysið á Suðurlandsvegi

Einn bifhjólamaður er töluvert slasaður og annar nokkuð minna eftir að hjól þeirra lenti í árekstri við jeppling á Suðurlandsvegi nærri bænum Lækjarholti í dag. Annar bifhjólamannanna var fluttur með þyrlu Landhelgisgæslunnar á sjúkrahús en hinn með sjúkrabíl, að sögn lögreglu.

Slysið átti sér stað um miðjan dag í dag og var Suðurlandsvegi lokað við Landvegamót um tíma vegna þess.

Að sögn Sveins Kristjáns Rúnarsson, yfirlögregluþjóns hjá lögreglunni á Suðurlandi, voru tveir á bifhjólinu. Hann gat ekki veitt upplýsingar um þjóðerni bifhjólamannanna.