Fyrrum vinnuveitandi Hamren staðfestir að hann taki við Íslandi

Erik Hamren verður næsti landsliðsþjálfari Íslands í fótbolta ef marka má Twitter-færslu fyrrum vinnuveitanda hans í kvöld.

Hamren hefur undanfarið ár starfað sem yfirmaður knattspyrnumála hjá Mamelodi Sundowns í Suður-Afríku en félagið setti á Twitter-síðu sína nú í kvöld:

„Mamelodi Sundowns hefur staðfest að Erik Hamren hefur verið leystur undan störfum til að taka við sem landsliðsþjálfari Íslands, sem keppti á HM í Rússlandi.”

Í annarri Twitter-færslu er Hamren svo þakkað fyrir sín störf. Það virðist því vera ansi ljóst hver verður næsti þjálfari íslenska landsliðsins en KSÍ hefur enn ekkert staðfest í þessum efnum.

Hamren er 61 árs gamall Svíi sem þjálfaði sænska landsliðið með fínum árangri í sjö ár. Einnig hefur hann meðal annars gert Álaborg að dönskum meisturum og Rosenborg að norskum meisturum.

Media Release:

Mamelodi Sundowns have announced that their Head of Technical, Erik Hamren has been released from his contract to take over as the national coach of Iceland, which participated in the FIFA World Cup in Russia.

1of2...

— Mamelodi Sundowns FC (@Masandawana) August 6, 2018