Nick Jonas og Priyanka Chopra trúlofuð eftir tvo mánuði saman

Söngvarinn Nick Jonas og leikkonan Priyanka Chopra eru trúlofuð eftir að hafa verið saman í einungis tvo mánuði. Tímaritið People greinir frá þessu.

Bandaríkjamaðurinn Nick Jonas gerði garðinn frægan með bræðrum sínum í hljómsveitinni Jonas Brothers árin 2005-2013. Síðan þá hefur hann unnið að sinni eigin tónlist.

Priyanka Chopra er upprunalega frá Indlandi en hefur búið í Bandaríkjunum síðastliðin ár. Hún er leikkona, söngkona og kvikmyndaframleiðandi. Einnig hlaut hún titilinn Ungfrú Heimur árið 2000.

Tíu ár eru á milli þeirra en Nick er 26 ára og Priya 36 ára. Þau kynntust í fyrra í gegnum sameiginlega vini en byrjuðu síðan saman í byrjun sumars.