Annað fórnarlamb taugaeitursins látið
Dawn Sturgess, breska konan sem eitrað var fyrir með taugaeitrinu Novichok í lok júní, er látin.
AP greinir frá að hin 44 ára gamla Dawn Sturgess, sem lögð var inn á spítala ásamt kærasta sínum hinum 45 ára gamla Charlie Rowley, hafi látist vegna eitrunarinnar á sjúkrahúsi í Salisbury í Englandi.
Fyrr á árinu hafði verið eitrað fyrir rússneska fyrrverandi njósnaranum Sergei Skripal og dóttur hans Yuliu með sama taugaeitri, Novichok.
Lögreglan telur að Sturgess og Rowley hafi orðið fyrir eitrun þegar þau komust í snertingu við hlut sem notaður var við árásina á Skripal feðginin. Bretar saka enn Rússa um að standa á bak við árásina en þeim ásökunum harðneita Rússar.
Rowley berst enn fyrir lífi sínu á sjúkrahúsi
Tengdar fréttir
Eitrað fyrir parinu með taugaeitrinu Novichok
Maður og kona sem fundust meðvitundarlaus á heimili sínu í Wiltshire í Englandi urðu fyrir eitrun af völdum taugaeitursins Novichok.
Óttast aðra eitrun í Salisbury
Viðbúnaður er mikill í héraðinu Wiltshire á Englandi eftir að par, karl og kona á fertugsaldri veiktust alvarlega af völdum eitrunar.
