Biðin endar líklega ekki í Rússlandi Ingvi Þór Sæmundsson skrifar 16. júní 2018 08:00 Þessi verður í holunni á móti Íslandi vísir/getty Undanfarinn aldarfjórðung eða svo hafa yngri landslið Argentínu verið afar sigursæl. Frá 1995 hefur Argentína fimm sinnum orðið heimsmeistari U-20 ára og tvisvar sinnum Ólympíumeistari (2004 og 2008). A-landsliðið hefur hins vegar ekki unnið titil síðan 1993 þegar Argentína varð Suður-Ameríkumeistari. Fjölmargir frábærir leikmenn hafa leikið með Argentínu síðan þá, enginn þó betri en Lionel Messi, fyrirliði og markahæsti leikmaður í sögu argentínska landsliðsins. Hann hefur rakað inn titlum með Barcelona og unnið öll þau einstaklingsverðlaun sem hægt er að vinna. En hann á enn eftir að vinna titil með Argentínu, ef Ólympíugullið 2008 er frátalið. Þótt það hafi ekki úrslitaáhrif á arfleifð Messi þráir hann að leiða Argentínu til sigurs á stórmóti. Og nýlega sagðist hann vera tilbúinn að skipta á titli með Barcelona fyrir titil með argentínska landsliðinu. Messi hefur verið nálægt því að brjóta þennan þykka ís á undanförnum árum en Argentína tapaði í úrslitum HM 2014 og Suður-Ameríkukeppninnar 2015 og 2016. Messi er hluti af afskaplega sterkri kynslóð leikmanna fæddra á árunum 1987 og 1988 en auk hans eru Gonzalo Higuaín, Sergio Agüero, Ángel Di María, Nicolás Otamendi og Éver Banega helstu merkisberar þess hóps. Markvörðurinn Sergio Romero er einnig hluti af hópnum en hann verður ekki með á HM. Romero hefur leikið nánast alla keppnisleiki argentínska liðsins undanfarin ár og lék vel á HM 2014. Talið er að Willy Caballero, markvörður Chelsea, standi á milli stanganna á HM. Hann er 36 ára en hefur samt einungis leikið þrjá landsleiki. Varnarleikurinn er einnig spurningarmerki en viðvörunarljós blikkuðu eftir 6-1 tap fyrir Spáni í vináttulandsleik í mars. Argentínska vörnin opnaðist þá hvað eftir annað og leit afar illa út. Jorge Sampaoli, þjálfari Argentínu, gerði Chile að Suður-Ameríkumeisturum með hápressu og sóknarbolta að vopni en argentínska liðið virðist ekki vera jafn vel sniðið að þeim leikstíl og það chileska. Það er því spurning hvort Sampaoli fari sömu leið og Alejandro Sabella í Brasilíu fyrir fjórum árum. Leggi áherslu á þéttan varnarleik og treysti á að Messi dragi kanínur upp úr hattinum. Hann er með örlög argentínska liðsins í hendi sér eins og síðustu ár.Argentínumenn hafa unnið keppni stuðningsmanna í Moskvu. Þeir kunna þetta allt saman, fastagestir á HM og með gleðina að vopni.Vísir/VilhelmÚrslitaleikjaógæfa Argentínumanna A-landslið Argentínu hefur ekki átt góðu gengi að fagna í úrslitaleikjum undanfarna áratugi en ef Ólympíuleikarnir þar sem U-23 ára liðið leikur er tekið út úr myndinni hefur Argentína tapað sex úrslitaleikjum í röð. Eru komin 25 ár síðan Argentína vann síðast úrslitaleik í Suður-Ameríkukeppninni gegn Mexíkó. Þeir hafa fengið mörg tækifæri til að bæta upp fyrir það á undanförnum árum en Argentína hefur leikið þrjá úrslitaleiki frá árinu 2014 og tapað þeim öllum. Sá stærsti var í úrslitum Heimsmeistaramótsins í landi erkifjendanna, Brasilíu, fyrir fjórum árum þegar Argentína tapaði 0-1 fyrir Þýskalandi. Var það endurtekning frá úrslitaleiknum 1990 og úrslitin voru þau sömu. Þýskaland vann nauman sigur með marki Mario Götze í framlengingu. Argentínumenn mættu Chile í úrslitum Suður-Ameríkukeppninnar tvö ár í röð, 2015 og 2016, en í bæði skiptin varð markalaust jafntefli og Chile vann eftir vítaspyrnukeppni. Hefur markaskorun reynst liðinu erfið í þessum sex úrslitaleikjum en í þeim hafa þeir aðeins skorað þrjú mörk. Birtist í Fréttablaðinu HM 2018 í Rússlandi Tengdar fréttir Þétt setinn bekkurinn á blaðamannafundi Íslands Tæpum klukkutíma áður en blaðamannafundur íslenska liðsins á að hefjast í Moskvu er blaðamannafundarherbergið að fyllast. 15. júní 2018 09:53 Ellefu hundruð til Moskvu í gær Um ellefu hundruð manns flugu í gær frá Keflavíkurflugvelli til Moskvu, væntanlega allir sem einn til að horfa á leik Íslands við Argentínu sem fram fer þar í borginni í dag. 16. júní 2018 07:00 Mest lesið Uppgjörið: KR - Stjarnan 102-98 | Meistararnir töpuðu í Vesturbænum Körfubolti Lætur ekki einn slæman leik hafa áhrif á verkefnið Fótbolti „Var í vímu þarna í smá stund af gleði og æsingi“ Körfubolti Uppgjörið: Keflavík - ÍR 92-83| Breyttir tímar hjá Keflvíkingum? Körfubolti „Þá er erfitt að spila hér“ Körfubolti „Fannst þetta full mikil brekka“ Körfubolti Uppgjörið: ÍA - Þór Þ. 102-92 | Gulir og glaðir byrja á sigri Körfubolti Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Elías Rafn stóð vaktina í sigri Midtjylland á Nottingham Forest Fótbolti Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Fleiri fréttir Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Baulað á Figo í Barcelona: „Portúgalinn er ekki velkominn hér“ Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ De Bruyne lagði tvisvar upp fyrir Højlund Dier stal stigi af svekktum City mönnum Ödegaard lagði Skytturnar upp til sigurs Sjá meira
Undanfarinn aldarfjórðung eða svo hafa yngri landslið Argentínu verið afar sigursæl. Frá 1995 hefur Argentína fimm sinnum orðið heimsmeistari U-20 ára og tvisvar sinnum Ólympíumeistari (2004 og 2008). A-landsliðið hefur hins vegar ekki unnið titil síðan 1993 þegar Argentína varð Suður-Ameríkumeistari. Fjölmargir frábærir leikmenn hafa leikið með Argentínu síðan þá, enginn þó betri en Lionel Messi, fyrirliði og markahæsti leikmaður í sögu argentínska landsliðsins. Hann hefur rakað inn titlum með Barcelona og unnið öll þau einstaklingsverðlaun sem hægt er að vinna. En hann á enn eftir að vinna titil með Argentínu, ef Ólympíugullið 2008 er frátalið. Þótt það hafi ekki úrslitaáhrif á arfleifð Messi þráir hann að leiða Argentínu til sigurs á stórmóti. Og nýlega sagðist hann vera tilbúinn að skipta á titli með Barcelona fyrir titil með argentínska landsliðinu. Messi hefur verið nálægt því að brjóta þennan þykka ís á undanförnum árum en Argentína tapaði í úrslitum HM 2014 og Suður-Ameríkukeppninnar 2015 og 2016. Messi er hluti af afskaplega sterkri kynslóð leikmanna fæddra á árunum 1987 og 1988 en auk hans eru Gonzalo Higuaín, Sergio Agüero, Ángel Di María, Nicolás Otamendi og Éver Banega helstu merkisberar þess hóps. Markvörðurinn Sergio Romero er einnig hluti af hópnum en hann verður ekki með á HM. Romero hefur leikið nánast alla keppnisleiki argentínska liðsins undanfarin ár og lék vel á HM 2014. Talið er að Willy Caballero, markvörður Chelsea, standi á milli stanganna á HM. Hann er 36 ára en hefur samt einungis leikið þrjá landsleiki. Varnarleikurinn er einnig spurningarmerki en viðvörunarljós blikkuðu eftir 6-1 tap fyrir Spáni í vináttulandsleik í mars. Argentínska vörnin opnaðist þá hvað eftir annað og leit afar illa út. Jorge Sampaoli, þjálfari Argentínu, gerði Chile að Suður-Ameríkumeisturum með hápressu og sóknarbolta að vopni en argentínska liðið virðist ekki vera jafn vel sniðið að þeim leikstíl og það chileska. Það er því spurning hvort Sampaoli fari sömu leið og Alejandro Sabella í Brasilíu fyrir fjórum árum. Leggi áherslu á þéttan varnarleik og treysti á að Messi dragi kanínur upp úr hattinum. Hann er með örlög argentínska liðsins í hendi sér eins og síðustu ár.Argentínumenn hafa unnið keppni stuðningsmanna í Moskvu. Þeir kunna þetta allt saman, fastagestir á HM og með gleðina að vopni.Vísir/VilhelmÚrslitaleikjaógæfa Argentínumanna A-landslið Argentínu hefur ekki átt góðu gengi að fagna í úrslitaleikjum undanfarna áratugi en ef Ólympíuleikarnir þar sem U-23 ára liðið leikur er tekið út úr myndinni hefur Argentína tapað sex úrslitaleikjum í röð. Eru komin 25 ár síðan Argentína vann síðast úrslitaleik í Suður-Ameríkukeppninni gegn Mexíkó. Þeir hafa fengið mörg tækifæri til að bæta upp fyrir það á undanförnum árum en Argentína hefur leikið þrjá úrslitaleiki frá árinu 2014 og tapað þeim öllum. Sá stærsti var í úrslitum Heimsmeistaramótsins í landi erkifjendanna, Brasilíu, fyrir fjórum árum þegar Argentína tapaði 0-1 fyrir Þýskalandi. Var það endurtekning frá úrslitaleiknum 1990 og úrslitin voru þau sömu. Þýskaland vann nauman sigur með marki Mario Götze í framlengingu. Argentínumenn mættu Chile í úrslitum Suður-Ameríkukeppninnar tvö ár í röð, 2015 og 2016, en í bæði skiptin varð markalaust jafntefli og Chile vann eftir vítaspyrnukeppni. Hefur markaskorun reynst liðinu erfið í þessum sex úrslitaleikjum en í þeim hafa þeir aðeins skorað þrjú mörk.
Birtist í Fréttablaðinu HM 2018 í Rússlandi Tengdar fréttir Þétt setinn bekkurinn á blaðamannafundi Íslands Tæpum klukkutíma áður en blaðamannafundur íslenska liðsins á að hefjast í Moskvu er blaðamannafundarherbergið að fyllast. 15. júní 2018 09:53 Ellefu hundruð til Moskvu í gær Um ellefu hundruð manns flugu í gær frá Keflavíkurflugvelli til Moskvu, væntanlega allir sem einn til að horfa á leik Íslands við Argentínu sem fram fer þar í borginni í dag. 16. júní 2018 07:00 Mest lesið Uppgjörið: KR - Stjarnan 102-98 | Meistararnir töpuðu í Vesturbænum Körfubolti Lætur ekki einn slæman leik hafa áhrif á verkefnið Fótbolti „Var í vímu þarna í smá stund af gleði og æsingi“ Körfubolti Uppgjörið: Keflavík - ÍR 92-83| Breyttir tímar hjá Keflvíkingum? Körfubolti „Þá er erfitt að spila hér“ Körfubolti „Fannst þetta full mikil brekka“ Körfubolti Uppgjörið: ÍA - Þór Þ. 102-92 | Gulir og glaðir byrja á sigri Körfubolti Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Elías Rafn stóð vaktina í sigri Midtjylland á Nottingham Forest Fótbolti Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Fleiri fréttir Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Baulað á Figo í Barcelona: „Portúgalinn er ekki velkominn hér“ Bjarni Jó kveður Selfoss Fantasýn: Bogi Nils þarf að vara sig og ekkert breyst hjá stjórnarformanni Play „Ótrúlega gaman að sjá þessa stelpu dafna“ De Bruyne lagði tvisvar upp fyrir Højlund Dier stal stigi af svekktum City mönnum Ödegaard lagði Skytturnar upp til sigurs Sjá meira
Þétt setinn bekkurinn á blaðamannafundi Íslands Tæpum klukkutíma áður en blaðamannafundur íslenska liðsins á að hefjast í Moskvu er blaðamannafundarherbergið að fyllast. 15. júní 2018 09:53
Ellefu hundruð til Moskvu í gær Um ellefu hundruð manns flugu í gær frá Keflavíkurflugvelli til Moskvu, væntanlega allir sem einn til að horfa á leik Íslands við Argentínu sem fram fer þar í borginni í dag. 16. júní 2018 07:00