Rozier og Tatum sáu um 76ers í fyrsta leik

Boston Celtics tók forystuna í undanúrslitarimmunni gegn Philadelphia 76ers í austurdeild bandarísku NBA deildarinnar í körfubolta.

Nýliðinn Jayson Tatum náði sínum besta árangri á ferlinum þegar hann skoraði 28 stig fyrir Boston og Terry Rozier setti 29 ásamt því að taka átta fráköst og gefa sex stoðsendingar.

Joel Embiid skoraði 31 stig fyrir Philadelphia en það dugði ekki til og aðeins annar tapleikurinn í síðustu 22 leikjum 76ers staðreynd.

Boston vann alla fjóra fjórðunga leiksins og leikinn samanlagt með sextán stigum, 117-101. Gestirnir frá Philadelphia byrjuðu leikinn ekki vel og skoruðu aðeins úr 5 af fyrstu 20 skotunum sem þeir tóku og þriggja stiga nýting þeirra í leiknum var aðeins 19 prósent.

Terry Rozier (29 PTS), Jayson Tatum (28), & Al Horford (26) carried the scoring load for the @celtics in their Game 1 win! #CUsRise#NBAPlayoffs

The last time a trio of Celtics players scored 25+ in a playoff win was the 1986 playoffs opener (Bird 30, McHale 27, D. Johnson 26). pic.twitter.com/imyNpdP3LR

— NBA (@NBA) May 1, 2018

Joel Embiid drops an #NBAPlayoffs career-high 31 PTS, along with 13 REB, 5 AST for the @sixers in Game 1. #PhilaUnitepic.twitter.com/7CFC3EiFtq

— NBA (@NBA) May 1, 2018