Reykjavíkurborg hefur auglýst opið útboð á byggingarrétti fyrir 255 íbúðir í Úlfarsárdal. Þar af er 151 íbúð í fjölbýli og munu aðeins lögaðilar geta boðið í þær lóðir. Einstaklingar munu þó geta boðið í lóðir fyrir alls 32 einbýlishús, 20 íbúðir í tvíbýlishúsum og fjölda lóða undir raðhús. Tekið verður við tilboðum til hádegis 4. maí.
Auk lóða í almennu útboði hefur byggingarrétti fyrir 148 íbúðir verið ráðstafað til íbúðafélaga sem rekin eru án hagnaðarmarkmiða. Alls eru því rúmlega 400 íbúðir að fara í uppbyggingu í Úlfarsárdal. Allar aðrar lóðir í hverfinu eru þegar seldar.
Neðst í dalnum við Úlfarsá er í byggingu mannvirki sem hýsa mun skóla, leikskóla, menningarmiðstöð, bókasafn, sundlaug og íþróttastarfsemi. Nú þegar hefur hluti byggingarinnar verið tekinn í notkun og næsti áfangi verður tekinn í notkun næsta haust. Að uppbyggingu lokið verður Úlfarsárdalur alls 1.300 íbúða hverfi.
Reykjavíkurborg býður út lóðir
Tengdar fréttir
Dagur og Eyþór láta hvor annan heyra það á Facebook
Kosningabaráttan er að komast á fullan skrið.
Mikil fjölgun á íbúðum til sölu á höfuðborgarsvæðinu
Í nýrri skýrslu Íbúðalánasjóðs segir að fjöldi eigna á söluskrá hafi dempað verðhækkanir á íbúðarhúsnæði á síðasta ári. Færri eignir seljast nú yfir ásettu verði.
