Fasteignafélagið Reginn, eigandi húsnæðisins sem nú brennur í Miðhrauni „telur allar líkur á að húsið sé nánast ónýtt,“ að því er fram kemur í tilkynningu frá Reginn til Kauphallar Íslands.
Þar segir að eignarhluti Regins í húsinu sé 3.390 fermetrar en stærð hússins í heild er 5.488 fermetrar. Um er að ræða iðnaðarhúsnæði, byggt upp með stálgrind og einingum. Húsið hefur verið í fullri útleigu og er stærsti leigutakinn Drífa ehf.( Icewear), að því er segir í tilkynningunni.
„Bókfært virði eignarhluta Regins er 580 m.kr. Húsið er að fullu tryggt en brunabótamat þess hluta sem Reginn á er um 700 m.kr. Félagið telur allar líkur á að húsið sé nánast ónýtt.“
Fulltrúar Vísis eru á vettvangi og fylgjast með baráttu slökkviliðsins við eldinní beinni textalýsingu og beinni útsendingu sem sjá má hér
Telja allar líkur á að húsið sé ónýtt
Tengdar fréttir
Eldsvoði eftir sprengingu í Garðabæ
Stórbruni varð hjá Geymslum og Icewear í Garðabæ.
„Það er hrikalega mikill eldsmatur hérna“
"Staðan er ekkert sérstaklega góð,“ segir Jón Viðar Matthíasson, slökkviliðsstjóri um brunann í Miðhrauni.
Eitraðan reyk leggur yfir íbúabyggð í Hafnarfirði og á Álftanesi
Verið er að rýma hús í nágrenni brunans í Garðabæ.
