„Lagning sæstrengs til Evrópu, samhliða öflugri iðnaðaruppbyggingu á Íslandi, er líklega eitt stærsta viðskiptatækifæri sem Íslendingar hafa staðið frammi fyrir," sagði Hörður Arnarson, forstjóri Landsvirkjunar á ársfundi fyrirtækisins í dag.



Hörður lagði áherslu á að lagning sæstrengs ætti ekki að koma í staðinn fyrir frekari iðnaðaruppbyggingu á Íslandi heldur gæti hann orðið viðbót og færi vel saman við áframhaldandi uppbyggingu iðnaðar í landinu. Hörður lagði áherslu á nauðsyn þess að breið sátt þyrfti að verða um verkefnið í íslensku samfélagi. Staðfesta þurfi forsendur áður en fullyrt er endanlega um hagkvæmni verkefnisins.



Landsvirkjun leggur nú til að á næstu 1-2 árum verði ráðist í frekari greiningar og rannsóknir á samfélagslegum, lagalegum og tæknilegum atriðum tengd verkefninu í samstarfi stjórnvalda, háskóla, hagsmunasamtaka, orkufyrirtækja og fleiri hagsmunaaðila