Ákvörðun um gæsluvarðhald tekin síðar í dag

Það ræðst síðar í dag hvort farið verði fram á gæsluvarðhald yfir mönnunum sem handteknir voru í gærkvöldi vegna hnífstunguárásar í Grafarholti, að sögn Karls Steinars Valssonar yfirlögregluþjóns. Þolandi árásarinnar er ekki alvarlega slasaður en ekki fengust frekari upplýsingar um líðan hans.

Vísir greindi frá því að þrír hefðu verið handteknir í grennd við verslun Krónunnar í Grafarholti í gærkvöldi vegna gruns um aðild að hnífstunguárás. Þá var einn fluttur með sjúkrabíl á Landspítalann. Mennirnir sem handteknir voru eru á tvítugs- og fertugsaldri.

Karl Steinar segir í samtali við Vísi að málið sé í rannsókn. Hann vildi ekki tjá sig um það hvort búið væri að yfirheyra mennina þrjá en þeir biðu yfirheyrslu í gærkvöldi. Þá varðist hann frekari fregna af málinu.