Ryan Gosling fór í kleinu þegar hann þurfti að horfa á gömlu dansmyndböndin

Leikaranum Ryan Gosling er margt til lista lagt og hefur hann meðal annars vakið athygli fyrir dans- og sönghæfileika sína í kvikmyndinni La La Land.

Danshæfileikarnir virðast þó ekki koma af sjálfu sér og hefur Gosling verið að dansa frá unga aldri. Meðal annars keppti hann í dansi á tíunda áratugnum, íklæddur silfruðum hammer buxum. Myndbönd af dansandi Gosling hafa flakkað um netið í nokkurn tíma.

Gosling var gestur í spjallþætti Graham Norton á BBC í gær og fór heldur betur hjá sér þegar hann þurfti að horfa á myndbönd af glæstum ferli sínum sem dansari.