Handtaka á Snorrabraut eftir glæfralegan akstur

Lögreglan á höfuðborgasvæðinu veitti bíl eftirför í kvöld og handtók að lokum ökumanninn, á Snorrabraut, rétt fyrir klukkan sjö í kvöld.

Samkvæmt upplýsingum lögreglu var ákveðið að stöðva ökumanninn eftir að lögreglumenn veittu furðulegu aksturslagi hans athygli á Rauðarárstíg. Við tók eftirför, sem endaði með því að maðurinn stöðvaði ökutæki sitt á Snorrabraut og hljóp út úr bílnum.

Lögreglumenn veittu manninum eftirför og tókst þeim að lokum að hafa hendur í hári mannsins. Í ljós kom að maðurinn var bæði próflaus og undir áhrifum lyfja en hann mun gista fangageymslur í nótt, þar til runnið hefur af honum.