Fleiri veðjuðu á MayMac en Super Bowl

Veðbankar í Las Vegas slógu alls konar met í kringum bardaga Conor McGregor og Floyd Mayweather.

Ótrúlegur fjöldi veðjaði á sigur hjá Conor í bardaganum og fleiri veðjuðu á hans sigur en á sigur New England Patriots í síðasta Super Bowl. Það er magnað.

Í heildina veðjuðu miklu fleiri á bardaga MayMac en á Super Bowl.

„Það hafa aldrei svona margir veðjað á stakan viðburð áður. Þetta var sögulegt,“ sagði talsmaður eins veðbanka en þeir eru þegar farnir að bjóða upp á veðmál um hvort Conor og Mayweather berjist aftur.

Ef Conor hefði unnið þá hefðu veðbankarnir fengið að finna fyrir því og þeir fögnuðu því sigri Mayweather.