United Silicon segir að að leita þurfi að upptökum mengunarinnar víðar en hjá verksmiðjunni

Forsvarsmenn United Silicon segja að leita þurfi að upptökum arsenmengunar víðar en hjá verksmiðjunni. Hæsta gildi arsenmengunar megi til að mynda mögulega skýrast af notkun flugelda um áramót.

Þetta kemur fram í fréttatilkynningu frá United Silicon þar sem gerðar eru athugasemdur við fréttaflutning þess efnis að arsenmengun frá verksmiðju fyrirtækisins í Helguvík hafi mælst um tuttugu sinnum meiri en heimild sé fyrir í starfsleyfi verksmiðjunnar.

Samvæmt mati á umhverfisáhrifum var gert ráð fyrir að arsenmengun færi mest í 0,32 ng/m í andrúmslofti en í tilkynningunni segir að arsenmengun hafi mælst um 1ng/m3 fyrri hluta árs og fram í september en í október, áður en verksmiðja USi tekur til starfa um miðjan nóvember, hækkaði þetta gildi í loftsýnum upp í um 6ng/m3.

Gera forsvarsmenn United Silicon athugasemd við frétt RÚV þess efnis að arsenmengun sé liðlega tuttugu sinnum meiri en heimild sé fyrir í starfsleyfi verksmiðjunnar.

Flugeldar mögulega hluti af skýringunni

Segja þeir að leita þurfi upptökum mengunarinnar víðar en hjá verksmiðjunni. Benda þeir á að hæst hafi gildi arsenmengunar mælst í lok desember og segir í tilkynningunni að það kunni að skýrast af noktun flugelda um áramót.

Þá segir einnig að mælistöðin við Hólmgeirsbraut sé staðsett sunnan við verksmiðju United Silicon. Í tilkynningunni er einnig bent á að frá október og fram í lok desember var sunnanátt ríkjandi á svæðinu og því stóðu vindar í átt að verksmiðjunni en ekki frá henni.

Bæjaryfirvöld í Reykjanesbæ hafa farið fram á það við Umhverfisstofnun að verksmiðjunni verði lokað þangað til að nauðsynlegar úrbætur verði gerðar vegna mengunar en í tilkynningunni segir að „hálfu verksmiðjunnar hefur að undanförnu verið lögð áhersla á lagfæra og endurbæta búnað verksmiðjunnar til að tryggja að hvorki starfsmönnum hennar né íbúum í nágrenninu standi heilsufarsleg ógn af rekstri hennar.“

Þá hvetja stjórnendur United Silicon til þess að „menn gefi sér tíma til að leita skýringa á uppruna þeirrar mengunar sem mælst hefur á Suðurnesjum áður en hrapað er að ályktunum.“