Verkfræðingur VW fékk 40 mánaða dóm vegna dísilvélasvindlsins Finnur Thorlacius skrifar 7. september 2017 09:00 Ekki eru öll kurl komin til grafar í dísilvélasvindli Volkswagen og eflaust margir starfsmenn Volkswagen sem eiga eftir að bíta úr nálinni fyrir aðkomu sína að því. Fyrsti fangelsisdómurinn sem fallið hefur vegna dísilvélasvindls Volkswagen féll fyrir skömmu og fékk verkfræðingurinn James Liang 40 mánaða dóm og 200.000 dollara sekt að auki. Dómur þessi féll í Bandaríkjunum. Þessi dómur var þyngri en ákærendur höfðu farið framá, en krafist var 3 ára fangelsis frá þeirra hendi og 20.000 dollara sektar. Dómarinn tífaldaði þá upphæð og bætti 4 mánuðum við kröfuna um fangelsisvistina. Með þessum dómi er talið að dómarinn sé að gefa tóninn varðandi frekari refsingar til þeirra sem viðriðnir voru dísilvélasvindl Volkswagen. Því er ekki er von á góðu hjá þeim sem á eftir koma. Aðalvitni en einn þeirra sem þróaði búnaðinn James Liang var bæði viðriðinn þróun svindlhugbúnaðarins og gegndi lykilhlutverki í að svara ranglega til um tilvist hans eftir að rannsókn hófst. Þær hófust eftir að mælingar sýndu allt að fjörutíufalt meiri mengun en uppgefin var. Verjandi Liang sagði við réttarhöldin að hann hefði einvörðungu verið tryggur starfsmaður sem hlýddi óskum yfirmanna sinna og fyrir það ætti ekki að dæma hann harkalega. Var bæði þeim ákærða og verjanda hans bent á að ákærði hafi haft fjölmörg tækifæri til þess að segja sannleikann, bæði fyrir og eftir uppgötnun svindlsins, en að hann hafi sífellt valið tryggð við yfirboðara sína umfram hag og heilsu almennings. Fyrir þá afstöðu hans sé því eðlilegt að refsa. Mest lesið Ísland leggur til fólk á rússnesku landamærin Innlent Ók líklega á yfir 120 rétt fyrir slysið Erlent Er Trump að gefast upp á Pútín? Erlent Öllu flugi til og frá næststærstu borg Frakklands aflýst Erlent Fluttur á bráðamóttöku með áverka á höfði eftir líkamsárás Innlent „Kannski var þetta prakkarastrik“ Innlent Segir stjórnina ekki standa við stóru orðin í orkumálum Innlent 109 látnir og yfir 160 saknað Erlent „Þú ert mögulega búin að nota gagnaver 400 sinnum síðan í morgun“ Innlent Stór meirihluti þjóðarinnar hlynntur veiðigjaldafrumvarpinu Innlent
Fyrsti fangelsisdómurinn sem fallið hefur vegna dísilvélasvindls Volkswagen féll fyrir skömmu og fékk verkfræðingurinn James Liang 40 mánaða dóm og 200.000 dollara sekt að auki. Dómur þessi féll í Bandaríkjunum. Þessi dómur var þyngri en ákærendur höfðu farið framá, en krafist var 3 ára fangelsis frá þeirra hendi og 20.000 dollara sektar. Dómarinn tífaldaði þá upphæð og bætti 4 mánuðum við kröfuna um fangelsisvistina. Með þessum dómi er talið að dómarinn sé að gefa tóninn varðandi frekari refsingar til þeirra sem viðriðnir voru dísilvélasvindl Volkswagen. Því er ekki er von á góðu hjá þeim sem á eftir koma. Aðalvitni en einn þeirra sem þróaði búnaðinn James Liang var bæði viðriðinn þróun svindlhugbúnaðarins og gegndi lykilhlutverki í að svara ranglega til um tilvist hans eftir að rannsókn hófst. Þær hófust eftir að mælingar sýndu allt að fjörutíufalt meiri mengun en uppgefin var. Verjandi Liang sagði við réttarhöldin að hann hefði einvörðungu verið tryggur starfsmaður sem hlýddi óskum yfirmanna sinna og fyrir það ætti ekki að dæma hann harkalega. Var bæði þeim ákærða og verjanda hans bent á að ákærði hafi haft fjölmörg tækifæri til þess að segja sannleikann, bæði fyrir og eftir uppgötnun svindlsins, en að hann hafi sífellt valið tryggð við yfirboðara sína umfram hag og heilsu almennings. Fyrir þá afstöðu hans sé því eðlilegt að refsa.
Mest lesið Ísland leggur til fólk á rússnesku landamærin Innlent Ók líklega á yfir 120 rétt fyrir slysið Erlent Er Trump að gefast upp á Pútín? Erlent Öllu flugi til og frá næststærstu borg Frakklands aflýst Erlent Fluttur á bráðamóttöku með áverka á höfði eftir líkamsárás Innlent „Kannski var þetta prakkarastrik“ Innlent Segir stjórnina ekki standa við stóru orðin í orkumálum Innlent 109 látnir og yfir 160 saknað Erlent „Þú ert mögulega búin að nota gagnaver 400 sinnum síðan í morgun“ Innlent Stór meirihluti þjóðarinnar hlynntur veiðigjaldafrumvarpinu Innlent