Bein útsending: Kvöldfréttir Stöðvar 2

Minnst tólf eru látnir og yfir sjötíu særðir eftir mikinn bruna í íbúðablokk í London í nótt. Ítarlega verður fjallað um brunann í fréttum Stöðvar tvö klukkan hálf sjö og meðal annars rætt við íslenskan lækni sem sinnti særðum eftir brunann og við slökkviliðsstjóra höfuðborgarsvæðisins, sem metur getu til að takast á við álíka bruna hér á landi.

Í fréttunum fjöllum við líka um einstakt málverkasafn á bænum Núpi undir Eyjafjöllum og uppbyggingu salernisaðstöðu fyrir ferðamenn víða um land auk þess sem við verðum í beinni útsendingu frá Þjóðleikhúsinu, þar sem áhugaleiksýning ársins verður sýnd á morgun.