Fylgdarlaus börn seld mansali

Svíþjóð Aðeins ein af 68 kærum vegna mansals með börn í Svíþjóð leiddi til ákæru. Þetta er niðurstaða rannsóknar á vegum yfirvalda í Stokkhólmi sem gerð var 2015 og fyrstu sex mánuði ársins 2016. Meirihluti barnanna, eða 66 prósent, kom fylgdarlaus til Svíþjóðar. Fyrr á þessu ári greip lögreglan til aðgerða gegn hring sjö barnaníðinga í Svíþjóð sem höfðu verið hleraðir. Barnaníðingarnir, sem þekkst höfðu í nær 20 ár, ræddu meðal annars um að ræna börnum frá fátækum löndum. – ibs