Norrköping sigraði | Göteborg gerði jafntefli

Guðmundur Þórarinsson og Jón Fjóluson voru á sínum stað í byrjunarliði Norrköping sem vann 0-1 sigur á Sirius í sænsku úrvalsdeildinni í fótbolta.

Sebastian Andersson skoraði sigurmark Norrköping sem jafnar Sirius að stigum með sigrinum og fer upp í 5. sæti deildarinnar.

Arnór Sigurðsson og Alfons Sampsted voru ónotaðir varamenn fyrir Norrköping.

Elías Már Ómarsson kom inn fyrir Mikael Boman á 68. mínútu í 1-1 jafntefli Göteborg við Hacken á heimavelli í dag.

Sebastian Eriksson kom Göteborg yfir á 28. mínútu en Nasiru Mohammed jafnaði leikinn á 32. mínútu fyrir Hacken.

Göteborg er með 29 stig í deildinni eftir 20 umferðir og sitja í 7. sæti.