Bein útsending: Strákunum okkar fagnað á Ingólfstorgi

Vísir verður með beina útsendingu frá Ingólfstorgi þar sem strákunum okkar í landsliðinu í fótbolta verður fagnað en þeir tryggðu sér í kvöld farmiða á HM í Rússlandi næsta sumar.

Dagskráin á Ingólfstorgi hefst klukkan 21:30 og útsending hér á vefnum klukkan 22. Á meðal þeirra sem koma fram eru tónlistarmennirnir Salka Sól, Sverrir Bergmann og Halldór Gunnar Pálsson Fjallabróðir og Emmsjé Gauti að ógleymdu landsliðinu sem mætir líka á svæðið. Björn Bragi er kynnir.

Íslenska karlalandsliðið kemur á Ingólfstorg klukkan 22:30.

Fylgjast má með útsendingunni í spilaranum hér fyrir neðan.