Innlent

Indverskum gúrú kennt um hávaða í Breiðholti

Atli Ísleifsson skrifar
Indverskur gúrú var sagður hafa verið í sjónvarpi mannanna. Líklegast ekki þessi þó. Myndin tengist fréttinni ekki beint.
Indverskur gúrú var sagður hafa verið í sjónvarpi mannanna. Líklegast ekki þessi þó. Myndin tengist fréttinni ekki beint. Vísir/Getty
Lögregla var kölluð út vegna mikils hávaða sem barst úr íbúð í fjölbýlishúsi í Breiðholti upp úr klukkan 6:30 í morgun.

Í dagbók lögreglu segir að tveir karlmenn hafi þar verið í annarlegu ástandi og sögðust þeir hafa verið að horfa á indverskan gúrú í sjónvarpinu og því hafi heyrst svona mikið frá þeim. Mennirnir hétu því að hafa lægra svo það væri ekki frekara ónæði af þeim.

Í tilkynningu frá lögreglunni segir jafnframt að tilkynnt hafi verið um umferðaróhapp á Vesturlandsvegi við Lágafell upp úr klukkan átta í morgun. „Þar hafði fólksbifreið lent á ljósastaur þannig að bifreiðin var óökufær. Ekki liggja fyrir að svo stöddu upplýsingar um slys á fólki.“

Þá var tilkynnt um innbrot inn í vörugám í hverfi 112 þar sem eitthvað af verðmætum var stolið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.