Útvarpsmaðurinn Máni Pétursson sem starfar á útvarpsstöðinni X-977 þarf að dansa á nærbuxunum einum uppi á sviði, en þetta varð ljóst þegar stjórnarsamstarf Sjálfstæðisflokks, VG og Framsóknar varð að veruleika í morgun.

Máni sagði á Twitter 14. október 2017; „Skal dansa á nærbuxunum uppi á sviði á næsta FM Belfast giggi ef VG myndar stjórn með D. 100% líkur á að það gerist ekki.“

Hljómsveitin var ekki lengi að bregðast við í morgun og tísti; „Jæja Máni Péturs, næsta gigg er í kvöld í Bern og það er laus koja í rútunni.“

Máni kemst ekki í verkefni í kvöld en ætlar engu að síður að standa við sitt loforð.

 

Jæja @Manipeturs Næsta gigg er í kvöld í Bern og það er laus koja í rútunni. pic.twitter.com/i1FlYfyWci

— FM Belfast (@fmbelfast) November 30, 2017