Fengið að heyra að hún hljóti að hafa sofið hjá þeim sem völdin hafa til að komast til metorða í stjórnmálum Sunna Kristín Hilmarsdóttir skrifar 21. nóvember 2017 21:26 Áslaug Arna Sigurbjörnsdóttir, þingmaður, ritari og varaformaður Sjálfstæðisflokksins, hefur fengið kynferðislegar athugasemdir vegna starfs síns sem stjórnmálamaður. Vísir/Ernir Áslaug Arna Sigurbjörnsdóttir, þingmaður Sjálfstæðisflokksins, hefur fengið kynferðislegar athugasemdir vegna starfs síns sem stjórnmálamaður. Hún hefur fengið að heyra að hún hljóti að hafa sofið hjá þeim sem völdin hafa til að komast til metorða í stjórnmálunum og að hún sé ekki starfi sínu vaxin. Áslaug, sem er bæði ritari og varaformaður stærsta stjórnmálaflokks landsins, er ein hundraða kvenna í íslenskum stjórnmálum sem skrifað hafa nafn sitt undir áskorun til stjórnmálaflokkanna á að taka á kynferðisofbeldi og kynferðislegri áreitni karla í íslenskum stjórnmálum. Konurnar koma úr öllum flokkum landsins en umræðan spratt fyrst upp fyrir helgi í Facebook-hópi sem stofnaður var til þess að konur í stjórnmálum gætu deilt reynslu sinni af kynferðisofbeldi og áreitni. Áskorunin var send fjölmiðlum í kvöld og Áslaug ræddi málið nánar í Kastljósi ásamt þeim Heiðu Björg Hilmisdóttur, varaformanni Samfylkingarinnar og borgarfulltrúa, og Jóhönnu Maríu Sigmundsdóttur, fyrrverandi þingmanni Framsóknarflokksins. „Það sem snýr kannski mest að mér eru kynferðislegar athugasemdir um að maður sé ekki starfi sínu vaxinn, ekki eins hæfileikaríkur og staða manns gefi til kynna og að maður sé ekki nógu góður í starfi svo maður hljóti að hafa sofið hjá þeim sem völdin hafa til þess að komast á þann stað sem maður er,“ sagði Áslaug Arna í Kastljósi í kvöld.Heiða Björg Hilmisdóttir, varaformaður og borgarfulltrúi Samfylkingarinnar.Fyrsta verkefnið að bregðast við frásögn um tilraun til nauðgunar innan flokksins Hún sagði það heyrast oft að konurnar séu aðeins einhvers konar peð í tafli karlmanna og séu ekki í stjórnmálum af eigin verðleikum. Áslaug sagði það leiðinlegt og erfitt að upplifa þessa orðræðu. „En þetta er einhvern veginn partur af því að vera í pólitík. Þú ert að bjóða þig fram, þú ert svolítil söluvara sem stjórnmálamaður og það er alveg umhugsunarvert hvernig við viljum að talað sé um stjórnmálamenn svo maður vilji líka hvetja annað fólk til að taka þátt í stjórnmálum,“ sagði Áslaug. Heiða Björg sagði frá fyrsta verkefninu sínu sem formaður framkvæmdastjórnar Samfylkingarinnar en það var að bregðast við frásögn stúlku sem sagði mann innan flokksins hafa reynt að nauðga sér. „Fyrsta verkefnið sem ég fæ er í rauninni stelpa sem kemur til mín daginn eftir að ég er kjörin á landsfundi og segir að maður hafi reynt að nauðga sér kvöldið áður. Það var auðvitað rosa sjokk. Við unnum með þetta innan flokksins, þetta var ekki kjörinn fulltrúi eða neitt slíkt, en engu að síður er þetta gerast og þarna var klárt valdamisvægi,“ sagði Heiða Björg.Jóhanna María Sigmundsdóttir sat á þingi fyrir Framsóknarflokkinn og er yngst til að hafa náð kjöri á þing. Vísir/GVA„Þá nægði honum það að hugsa um mig og það sem ég skrifaði í greininni til þess að ná að fullnægja sér“ Jóhanna María sagði síðan frá ógeðfelldri athugasemd sem hún fékk frá stjórnmálamanni eftir að hún hafði skrifað grein um skaðsemi ákveðinna efna í plastvörum. „Í greininni minni set ég smá klausu um það að þessi skaðsamlegu efni væri að finna meðal annars í hjálpartækjum ástarlífsins, smokkum og sleipiefnum sem mér fannst frekar alvarlegt því þetta var líka tengt við ófrjósemi,“ sagði Jóhanna María sem fór í fundaherferð út á land skömmu eftir að greinin birtist. „Þá fæ ég ýmis konar komment frá karlmönnum á þeirri vegferð að þeir geti hjálpað mér að forðast það að nota þessi hjálpartæki, þeir skuli sýna mér hvernig eigi að nota þetta og þetta sé ekki svona hættulegt. Einn gekk það langt maður sem að starfar í pólitík í dag að segja mér það að eftir að hann las greinina mína að þá nægði honum það að hugsa um mig og það sem ég skrifaði í greininni til þess að ná að fullnægja sér,“ sagði Jóhanna María en hún var á þessum tíma 23 ára gömul og yngsti þingmaðurinn.Einnig var fjallað um málið í fréttum Stöðvar 2 í kvöld og má sjá fréttina í spilaranum hér fyrir neðan. Tengdar fréttir Áskorun rúmlega 300 íslenskra stjórnmálakvenna vegna kynferðisofbeldis og áreitni: „Við krefjumst þess að allir karlar taki ábyrgð“ Rúmlega 300 íslenskar stjórnmálakonur hafa sent frá sér áskorun vegna kynferðisofbeldis og áreitni í stjórnmálunum hér á landi. 21. nóvember 2017 19:24 Íslenskar konur í stjórnmálum segja af áreitni og ofbeldi kollega Hundruð hyggjast stíga saman fram, deila reynslu sinni og kalla eftir breytingum. 21. nóvember 2017 14:45 Mest lesið Albert Guðmundsson verður ákærður fyrir kynferðisbrot Innlent Íslendingurinn sem slasaðist í háloftunum var á vegum Marels Innlent Vonar að þetta dugi til Innlent Telur víst að sala á Landsvirkjun komi á borð næsta forseta Innlent „ÁTVR dugar“ Innlent Gul viðvörun: Fyrsta trampólínið þegar fokið Veður Björgólfur lýkur hópmálsókn með milljarðssátt Innlent Sá sem át ekkert nema McDonalds í mánuð er fallinn frá Erlent Neyðarlínan lýsir eftir börnum sem komu færandi hendi Innlent Enginn málefnalegur ágreiningur skýri brotthvarf bæjarstjóra Innlent Fleiri fréttir Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Fyrirvari á eldgosi gæti orðið mjög stuttur Telur víst að sala á Landsvirkjun komi á borð næsta forseta Segja miður að móðir hafi upplifað að ekki væri hlustað á hana Íslendingurinn sem slasaðist í háloftunum var á vegum Marels Björgólfur lýkur hópmálsókn með milljarðssátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Vonar að þetta dugi til Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Sjá meira
Áslaug Arna Sigurbjörnsdóttir, þingmaður Sjálfstæðisflokksins, hefur fengið kynferðislegar athugasemdir vegna starfs síns sem stjórnmálamaður. Hún hefur fengið að heyra að hún hljóti að hafa sofið hjá þeim sem völdin hafa til að komast til metorða í stjórnmálunum og að hún sé ekki starfi sínu vaxin. Áslaug, sem er bæði ritari og varaformaður stærsta stjórnmálaflokks landsins, er ein hundraða kvenna í íslenskum stjórnmálum sem skrifað hafa nafn sitt undir áskorun til stjórnmálaflokkanna á að taka á kynferðisofbeldi og kynferðislegri áreitni karla í íslenskum stjórnmálum. Konurnar koma úr öllum flokkum landsins en umræðan spratt fyrst upp fyrir helgi í Facebook-hópi sem stofnaður var til þess að konur í stjórnmálum gætu deilt reynslu sinni af kynferðisofbeldi og áreitni. Áskorunin var send fjölmiðlum í kvöld og Áslaug ræddi málið nánar í Kastljósi ásamt þeim Heiðu Björg Hilmisdóttur, varaformanni Samfylkingarinnar og borgarfulltrúa, og Jóhönnu Maríu Sigmundsdóttur, fyrrverandi þingmanni Framsóknarflokksins. „Það sem snýr kannski mest að mér eru kynferðislegar athugasemdir um að maður sé ekki starfi sínu vaxinn, ekki eins hæfileikaríkur og staða manns gefi til kynna og að maður sé ekki nógu góður í starfi svo maður hljóti að hafa sofið hjá þeim sem völdin hafa til þess að komast á þann stað sem maður er,“ sagði Áslaug Arna í Kastljósi í kvöld.Heiða Björg Hilmisdóttir, varaformaður og borgarfulltrúi Samfylkingarinnar.Fyrsta verkefnið að bregðast við frásögn um tilraun til nauðgunar innan flokksins Hún sagði það heyrast oft að konurnar séu aðeins einhvers konar peð í tafli karlmanna og séu ekki í stjórnmálum af eigin verðleikum. Áslaug sagði það leiðinlegt og erfitt að upplifa þessa orðræðu. „En þetta er einhvern veginn partur af því að vera í pólitík. Þú ert að bjóða þig fram, þú ert svolítil söluvara sem stjórnmálamaður og það er alveg umhugsunarvert hvernig við viljum að talað sé um stjórnmálamenn svo maður vilji líka hvetja annað fólk til að taka þátt í stjórnmálum,“ sagði Áslaug. Heiða Björg sagði frá fyrsta verkefninu sínu sem formaður framkvæmdastjórnar Samfylkingarinnar en það var að bregðast við frásögn stúlku sem sagði mann innan flokksins hafa reynt að nauðga sér. „Fyrsta verkefnið sem ég fæ er í rauninni stelpa sem kemur til mín daginn eftir að ég er kjörin á landsfundi og segir að maður hafi reynt að nauðga sér kvöldið áður. Það var auðvitað rosa sjokk. Við unnum með þetta innan flokksins, þetta var ekki kjörinn fulltrúi eða neitt slíkt, en engu að síður er þetta gerast og þarna var klárt valdamisvægi,“ sagði Heiða Björg.Jóhanna María Sigmundsdóttir sat á þingi fyrir Framsóknarflokkinn og er yngst til að hafa náð kjöri á þing. Vísir/GVA„Þá nægði honum það að hugsa um mig og það sem ég skrifaði í greininni til þess að ná að fullnægja sér“ Jóhanna María sagði síðan frá ógeðfelldri athugasemd sem hún fékk frá stjórnmálamanni eftir að hún hafði skrifað grein um skaðsemi ákveðinna efna í plastvörum. „Í greininni minni set ég smá klausu um það að þessi skaðsamlegu efni væri að finna meðal annars í hjálpartækjum ástarlífsins, smokkum og sleipiefnum sem mér fannst frekar alvarlegt því þetta var líka tengt við ófrjósemi,“ sagði Jóhanna María sem fór í fundaherferð út á land skömmu eftir að greinin birtist. „Þá fæ ég ýmis konar komment frá karlmönnum á þeirri vegferð að þeir geti hjálpað mér að forðast það að nota þessi hjálpartæki, þeir skuli sýna mér hvernig eigi að nota þetta og þetta sé ekki svona hættulegt. Einn gekk það langt maður sem að starfar í pólitík í dag að segja mér það að eftir að hann las greinina mína að þá nægði honum það að hugsa um mig og það sem ég skrifaði í greininni til þess að ná að fullnægja sér,“ sagði Jóhanna María en hún var á þessum tíma 23 ára gömul og yngsti þingmaðurinn.Einnig var fjallað um málið í fréttum Stöðvar 2 í kvöld og má sjá fréttina í spilaranum hér fyrir neðan.
Tengdar fréttir Áskorun rúmlega 300 íslenskra stjórnmálakvenna vegna kynferðisofbeldis og áreitni: „Við krefjumst þess að allir karlar taki ábyrgð“ Rúmlega 300 íslenskar stjórnmálakonur hafa sent frá sér áskorun vegna kynferðisofbeldis og áreitni í stjórnmálunum hér á landi. 21. nóvember 2017 19:24 Íslenskar konur í stjórnmálum segja af áreitni og ofbeldi kollega Hundruð hyggjast stíga saman fram, deila reynslu sinni og kalla eftir breytingum. 21. nóvember 2017 14:45 Mest lesið Albert Guðmundsson verður ákærður fyrir kynferðisbrot Innlent Íslendingurinn sem slasaðist í háloftunum var á vegum Marels Innlent Vonar að þetta dugi til Innlent Telur víst að sala á Landsvirkjun komi á borð næsta forseta Innlent „ÁTVR dugar“ Innlent Gul viðvörun: Fyrsta trampólínið þegar fokið Veður Björgólfur lýkur hópmálsókn með milljarðssátt Innlent Sá sem át ekkert nema McDonalds í mánuð er fallinn frá Erlent Neyðarlínan lýsir eftir börnum sem komu færandi hendi Innlent Enginn málefnalegur ágreiningur skýri brotthvarf bæjarstjóra Innlent Fleiri fréttir Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Fyrirvari á eldgosi gæti orðið mjög stuttur Telur víst að sala á Landsvirkjun komi á borð næsta forseta Segja miður að móðir hafi upplifað að ekki væri hlustað á hana Íslendingurinn sem slasaðist í háloftunum var á vegum Marels Björgólfur lýkur hópmálsókn með milljarðssátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Vonar að þetta dugi til Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Sjá meira
Áskorun rúmlega 300 íslenskra stjórnmálakvenna vegna kynferðisofbeldis og áreitni: „Við krefjumst þess að allir karlar taki ábyrgð“ Rúmlega 300 íslenskar stjórnmálakonur hafa sent frá sér áskorun vegna kynferðisofbeldis og áreitni í stjórnmálunum hér á landi. 21. nóvember 2017 19:24
Íslenskar konur í stjórnmálum segja af áreitni og ofbeldi kollega Hundruð hyggjast stíga saman fram, deila reynslu sinni og kalla eftir breytingum. 21. nóvember 2017 14:45