Taka upp ný póstnúmer í dreifbýli

Pósturinn mun gera breytingar á póstnúmerum landsins frá og með næstu mánaðamótum. Í tilkynningu segir að breytingarnar feli í sér að sérstakt póstnúmer verði tekið upp á svæðum í dreifbýli sem áður féllu undir sama póstnúmer og næsti þéttbýliskjarni. Hægt verði að þekkja flest nýju póstnúmerin á því að síðasta talan í þeim hækkar um einn.

„Til útskýringar þá mun póstnúmerið 690 Vopnafjörður áfram gilda fyrir póst sem sendur er til fólks og fyrirtækja í þéttbýlishluta sveitarfélagsins en dreifbýli við Vopnafjörð fær póstnúmerið 691.  Annað dæmi um breytingar er póstnúmerið 116 Reykjavík, öðru nafni Kjalarnes, en það náði til allra sveitabæja frá Esjurótum út í Tíðarskarð sem og yfir þéttbýlið á Kjalarnesi. Eftir breytinguna verður dreifbýlið á svæðinu með póstnúmerið 162 Reykjavík en þéttbýlið með 116 Reykjavík eins og áður.

Ásbrú, sem er á gamla varnarsvæðinu, fær nú sitt eigið póstnúmer sem verður 262 Reykjanesbær. Þá verður Keflavíkurflugvöllur héðan í frá með sína eigin áritun, verður hún 235 Keflavíkurflugvöllur. 

Breytingarnar munu ekki hafa áhrif á dreifingu pósts og mun póstur berast til viðtakenda jafnvel þótt eldra póstnúmer sé ritað við heimilisfang. Íbúar á svæðum sem breytingarnar taka til þurfa ekki að uppfæra opinberar heimilisfangsskráningar þar sem Pósturinn mun tilkynna um breytingarnar beint til Þjóðskrár. Sjálfsagt er þó að biðja fólk og fyrirtæki um að uppfæra vefsíður og fleira slíkt ef tilefni er til og benda sendendum pósts á að nota rétt póstnúmer. Nýju póstnúmerin taka, sem áður sagði, gildi þann 1. desember 2017 næstkomandi.

Póstnúmeraþekja fyrir landið er aðgengileg á postur.is/postnumer en þar er hægt að sjá hnitsett landfræðileg mörk póstnúmera,“ segir í tilkynningunni.

Listi yfir nýju póstnúmerin:

 

Póstnúmer frá  1. desember 2017	Staður/áritun	Póstnúmer fyrir	Staður/áritun
162	Reykjavík	116	Reykjavík
191	Vogar	190	Vogar
241	Grindavík	240	Grindavík
246	Sandgerði	245	Sandgerði
251	Garður	250	Garður
341	Stykkishólmur	340	Stykkishólmur
351	Grundarfjörður	350	Grundarfjörður
381	Reykhólahreppur	380	Reykhólahreppur
416	Bolungarvík	415	Bolungarvík
421	Súðavík	420	Súðavík
426	Flateyri	425	Flateyri
431	Suðureyri	430	Suðureyri
461	Tálknafjörður	460	Tálknafjörður
466	Bíldudalur	465	Bíldudalur
511	Hólmavík	510	Hólmavík
546	Skagaströnd	545	Skagaströnd
561	Varmahlíð	560	Varmahlíð
581	Siglufjörður	580	Siglufjörður
626	Ólafsfjörður	625	Ólafsfjörður
676	Raufarhöfn	675	Raufarhöfn
686	Bakkafjörður	685	Bakkafjörður
691	Vopnafjörður	690	Vopnafjörður
711	Seyðisfjörður	710	Seyðisfjörður
731	Reyðarfjörður	730	Reyðarfjörður
736	Eskifjörður	735	Eskifjörður
741	Neskaupstaður	710	Neskaupstaður
751	Fáskrúðsfjörður	750	Fáskrúðsfjörður
756	Stöðvarfjörður	755	Stöðvarfjörður
761	Breiðdalsvík	760	Breiðdalsvík
766	Djúpavogur	765	Djúpavogur
846	Flúðir	845	Flúðir
881	Kirkjubæjarklaustur	880	Kirkjubæjarklaustur
235	Keflavíkurflugvöllur	235	Reykjanesbær
262	Reykjanesbær	235	Reykjanesbær