Alvarlegt umferðarslys við Kirkjusand

Alvarlegt umferðarslys varð við Kirkjusand um klukkan 13 í dag. Samkvæmt upplýsingum frá slökkviliðinu á höfuðborgarsvæðinu barst tilkynning um slysið klukkan 13:05 og er talið að ekið hafi verið á hjólreiðamann.

Lögregla, sjúkrabílar og dælubíll frá slökkviliðinu voru sendir á staðinn en ekki fást frekari upplýsingar að svo stöddu.

Uppfært klukkan 13:40

Búið er að flytja hjólreiðamanninn sem ekið var á á slysadeild. Hann er alvarlega slasaður en ekki fást frekari upplýsingar um líðan hans. Verið er að hreinsa vettvang.