Bankar lækka kostnað með nýjum kerfum Kristinn Ingi Jónsson skrifar 9. nóvember 2017 08:00 Lilja Björk Einarsdóttir, bankastjóri Landsbankans, og Friðrik Þór Snorrason, forstjóri Reiknistofu bankanna. vísir/hanna Ný innlána- og greiðslukerfi, sem Landsbankinn mun taka í notkun síðar í mánuðinum, geta leitt til hagræðingar í rekstri íslenska bankakerfisins, að sögn Lilju Bjarkar Einarsdóttur, bankastjóra Landsbankans. Bankinn verður sá fyrsti hér á landi sem innleiðir kerfin. Friðrik Þór Snorrason, forstjóri Reiknistofu bankanna (RB), segir að með tíð og tíma muni kerfin draga talsvert úr rekstrarkostnaði. Það sé mikilvægt, enda sé kostnaðurinn af upplýsingatækni veigamikill þáttur í heildarkostnaði bankanna og hærri en gengur og gerist erlendis. Nýju kerfin, sem leysa af hólmi mörg eldri tölvukerfi, hafa á undanförnum árum verið þróuð í samstarfi við evrópska hugbúnaðarfyrirtækið Sopra Banking Software. „Þetta er tvíþætt verkefni. Annars vegar er verið að innleiða ný, stöðluð og alþjóðleg greiðslu- og innlánakerfi fyrir Landsbankann og Íslandsbanka frá Sopra Banking Software og hins vegar er verið að búa til nýtt samskipta- og gagnalag fyrir íslenskan fjármálamarkað sem mun einfalda til muna þróun nýrra lausna og samvinnu banka við þriðja aðila, svo sem fjártæknifyrirtæki,“ segir Friðrik Þór.Áratugagamalt „Þrátt fyrir að núverandi grunnkerfi hafi á sínum tíma verið byltingarkennt – sem fyrsta rauntímagreiðslukerfi í heiminum – þá eru hlutar þess orðnir hátt í 40 ára gamlir og kostnaðurinn þar af leiðandi orðinn nokkuð hár. Þeir byggja á gamalli tækni sem erfitt er að nýta til þess að mæta kröfum nútímafjármálastarfsemi,“ nefnir hann. Nýju kerfin verði hagkvæmari og einfaldari í rekstri. „Hagkvæmnin felst í því að um alþjóðlegt, staðlað kerfi er að ræða þar sem fjöldi erlendra fjármálafyrirtækja samnýtir þróunarlausnir og deilir þannig kostnaðinum, en stór hluti nýrra krafna til slíkra kerfa kemur til vegna breytinga á alþjóðlegum lögum,“ bætir Friðrik Þór við. Lilja Björk segir nýju kerfin gera það að verkum að bankinn muni geta brugðist hraðar við þörfum markaðarins. „Þau munu auðvelda okkur að bregðast við þegar eftirspurn á markaðinum krefst þess eða þegar við sjáum tækifæri á borðinu. Í gamla kerfinu var það ekki einfalt. Á tímum sem þessum, þegar bankaviðskipti eru að taka hröðum breytingum, er afar mikilvægt að við getum boðið upp á nýjungar sem henta markaðinum hverju sinni án þess að þurfa að ráðast í mikla forritunarvinnu eða fjárfestingu í fólki og ferlum.“ Um sé að ræða stöðluð alþjóðleg kerfi sem viðhaldið er af stóru fyrirtæki sem hefur starfsemi víðs vegar í heiminum. Ákveðið öryggi sé fólgið í því. „Breytingin felur í sér einföldun á tækniumhverfi bankans þar sem hægt verður að fasa út ýmsum kerfum og viðbótum sem bankinn hefur þurft að byggja ofan á eldri grunnkerfi RB. Þetta er eitt af ótal verkefnum sem leggjast öll á eitt um að lækka kostnað í bankakerfinu.“Horfa fram á breytt umhverfi Lilja Björk segir að takmarkaður fjöldi fólks hafi getað haldið gamla kerfinu við. Það hafi verið orðin áskorun að manna viðhald og þróun til framtíðar. „Við horfum nú fram á breytt umhverfi og þá er mjög gott fyrir bankann að hafa traustan og öflugan grunn sem við getum byggt á til framtíðar. Við erum því í ólíkri stöðu miðað við marga vestræna banka sem hafa búið við sömu kerfin í áratugi og eiga eftir að uppfæra.“ Landsbankinn hyggst innleiða kerfið 20. nóvember en af þeirri ástæðu þarf að skerða þjónustu í netbönkum bankans helgina 18. til 19. nóvember. Birtist í Fréttablaðinu Mest lesið Töldu hættu stafa af einkaþotufyrirtækinu sem var svipt starfsleyfi Viðskipti innlent Sjálfbærni og fjárhagslegur árangur haldast í hendur Framúrskarandi fyrirtæki Of snemmt að segja hvort vaxtadómurinn geri lán dýrari eða ódýrari Viðskipti innlent Greiðir sér út allt að fimmtíu milljónir Viðskipti innlent Sterk heild og skýr gildi gera Afltak að fyrirmynd í byggingariðnaði Framúrskarandi kynning Gervigreindarknúið snjallsiglingarkerfi hlaut Nýsköpunarverðlaunin Viðskipti innlent Færir sig í Borgartúnið eftir stutta dvöl hjá ÍSÍ Viðskipti innlent Hátíðin í heild sinni: Listi Framúrskarandi fyrirtækja birtur Framúrskarandi fyrirtæki Sverrir Einar söðlar um og selur Þrastalund Viðskipti innlent Tilkynna breytingar á lánaframboði Viðskipti innlent Fleiri fréttir Of snemmt að segja hvort vaxtadómurinn geri lán dýrari eða ódýrari Töldu hættu stafa af einkaþotufyrirtækinu sem var svipt starfsleyfi Gervigreindarknúið snjallsiglingarkerfi hlaut Nýsköpunarverðlaunin Högnuðust um tæpa sjö milljarða Tilkynna breytingar á lánaframboði Sverrir Einar söðlar um og selur Þrastalund Leigjendum muni fjölga um fimm þúsund fram til 2030 Bein útsending: Nýsköpunarþing 2025 - Ísland í stóru myndinni Bjarni Geir Alfreðsson matreiðslumaður látinn Færir sig í Borgartúnið eftir stutta dvöl hjá ÍSÍ Verðbólguþróunin áhyggjuefni Greiðir sér út allt að fimmtíu milljónir Verðbólga ekki meiri síðan í janúar Hagnaður bankans 8,2 milljarðar á þriðja ársfjórðungi Ístak bauð best í frágang á nýja Landspítalanum Eyða óvissunni um verðtrygginguna með vaxtaviðmiði Segja þingmann draga upp skakka mynd af stöðu nýsköpunar Eigandi skrifstofu í Kringlunni þarf að borga fyrir auglýsingar Stjórnendur Íslandsbanka enn undir feldi Fyrrverandi starfsmenn endurvekja Lagningu Reikna með 1,5 milljarði króna í sjóböðin í Önundarfirði Enn meiri veikleikar í samkeppnishæfni Íslands en ESB Sérlausn fyrir fluglosun virðist ekki hafa verið auglýst Segir mikla vinnu í gangi vegna lánamála Sér ljós við enda ganganna: „Kannski þurfti svona stóra truflun til“ Mun leiða svið markaðsmála og þjónustuupplifunar hjá Advania Finna meira gull á Grænlandi Jónas Már til Réttar „Ekki bara smá eyða, þetta er risastórt gat“ Hætt við að vextir hækki Sjá meira
Ný innlána- og greiðslukerfi, sem Landsbankinn mun taka í notkun síðar í mánuðinum, geta leitt til hagræðingar í rekstri íslenska bankakerfisins, að sögn Lilju Bjarkar Einarsdóttur, bankastjóra Landsbankans. Bankinn verður sá fyrsti hér á landi sem innleiðir kerfin. Friðrik Þór Snorrason, forstjóri Reiknistofu bankanna (RB), segir að með tíð og tíma muni kerfin draga talsvert úr rekstrarkostnaði. Það sé mikilvægt, enda sé kostnaðurinn af upplýsingatækni veigamikill þáttur í heildarkostnaði bankanna og hærri en gengur og gerist erlendis. Nýju kerfin, sem leysa af hólmi mörg eldri tölvukerfi, hafa á undanförnum árum verið þróuð í samstarfi við evrópska hugbúnaðarfyrirtækið Sopra Banking Software. „Þetta er tvíþætt verkefni. Annars vegar er verið að innleiða ný, stöðluð og alþjóðleg greiðslu- og innlánakerfi fyrir Landsbankann og Íslandsbanka frá Sopra Banking Software og hins vegar er verið að búa til nýtt samskipta- og gagnalag fyrir íslenskan fjármálamarkað sem mun einfalda til muna þróun nýrra lausna og samvinnu banka við þriðja aðila, svo sem fjártæknifyrirtæki,“ segir Friðrik Þór.Áratugagamalt „Þrátt fyrir að núverandi grunnkerfi hafi á sínum tíma verið byltingarkennt – sem fyrsta rauntímagreiðslukerfi í heiminum – þá eru hlutar þess orðnir hátt í 40 ára gamlir og kostnaðurinn þar af leiðandi orðinn nokkuð hár. Þeir byggja á gamalli tækni sem erfitt er að nýta til þess að mæta kröfum nútímafjármálastarfsemi,“ nefnir hann. Nýju kerfin verði hagkvæmari og einfaldari í rekstri. „Hagkvæmnin felst í því að um alþjóðlegt, staðlað kerfi er að ræða þar sem fjöldi erlendra fjármálafyrirtækja samnýtir þróunarlausnir og deilir þannig kostnaðinum, en stór hluti nýrra krafna til slíkra kerfa kemur til vegna breytinga á alþjóðlegum lögum,“ bætir Friðrik Þór við. Lilja Björk segir nýju kerfin gera það að verkum að bankinn muni geta brugðist hraðar við þörfum markaðarins. „Þau munu auðvelda okkur að bregðast við þegar eftirspurn á markaðinum krefst þess eða þegar við sjáum tækifæri á borðinu. Í gamla kerfinu var það ekki einfalt. Á tímum sem þessum, þegar bankaviðskipti eru að taka hröðum breytingum, er afar mikilvægt að við getum boðið upp á nýjungar sem henta markaðinum hverju sinni án þess að þurfa að ráðast í mikla forritunarvinnu eða fjárfestingu í fólki og ferlum.“ Um sé að ræða stöðluð alþjóðleg kerfi sem viðhaldið er af stóru fyrirtæki sem hefur starfsemi víðs vegar í heiminum. Ákveðið öryggi sé fólgið í því. „Breytingin felur í sér einföldun á tækniumhverfi bankans þar sem hægt verður að fasa út ýmsum kerfum og viðbótum sem bankinn hefur þurft að byggja ofan á eldri grunnkerfi RB. Þetta er eitt af ótal verkefnum sem leggjast öll á eitt um að lækka kostnað í bankakerfinu.“Horfa fram á breytt umhverfi Lilja Björk segir að takmarkaður fjöldi fólks hafi getað haldið gamla kerfinu við. Það hafi verið orðin áskorun að manna viðhald og þróun til framtíðar. „Við horfum nú fram á breytt umhverfi og þá er mjög gott fyrir bankann að hafa traustan og öflugan grunn sem við getum byggt á til framtíðar. Við erum því í ólíkri stöðu miðað við marga vestræna banka sem hafa búið við sömu kerfin í áratugi og eiga eftir að uppfæra.“ Landsbankinn hyggst innleiða kerfið 20. nóvember en af þeirri ástæðu þarf að skerða þjónustu í netbönkum bankans helgina 18. til 19. nóvember.
Birtist í Fréttablaðinu Mest lesið Töldu hættu stafa af einkaþotufyrirtækinu sem var svipt starfsleyfi Viðskipti innlent Sjálfbærni og fjárhagslegur árangur haldast í hendur Framúrskarandi fyrirtæki Of snemmt að segja hvort vaxtadómurinn geri lán dýrari eða ódýrari Viðskipti innlent Greiðir sér út allt að fimmtíu milljónir Viðskipti innlent Sterk heild og skýr gildi gera Afltak að fyrirmynd í byggingariðnaði Framúrskarandi kynning Gervigreindarknúið snjallsiglingarkerfi hlaut Nýsköpunarverðlaunin Viðskipti innlent Færir sig í Borgartúnið eftir stutta dvöl hjá ÍSÍ Viðskipti innlent Hátíðin í heild sinni: Listi Framúrskarandi fyrirtækja birtur Framúrskarandi fyrirtæki Sverrir Einar söðlar um og selur Þrastalund Viðskipti innlent Tilkynna breytingar á lánaframboði Viðskipti innlent Fleiri fréttir Of snemmt að segja hvort vaxtadómurinn geri lán dýrari eða ódýrari Töldu hættu stafa af einkaþotufyrirtækinu sem var svipt starfsleyfi Gervigreindarknúið snjallsiglingarkerfi hlaut Nýsköpunarverðlaunin Högnuðust um tæpa sjö milljarða Tilkynna breytingar á lánaframboði Sverrir Einar söðlar um og selur Þrastalund Leigjendum muni fjölga um fimm þúsund fram til 2030 Bein útsending: Nýsköpunarþing 2025 - Ísland í stóru myndinni Bjarni Geir Alfreðsson matreiðslumaður látinn Færir sig í Borgartúnið eftir stutta dvöl hjá ÍSÍ Verðbólguþróunin áhyggjuefni Greiðir sér út allt að fimmtíu milljónir Verðbólga ekki meiri síðan í janúar Hagnaður bankans 8,2 milljarðar á þriðja ársfjórðungi Ístak bauð best í frágang á nýja Landspítalanum Eyða óvissunni um verðtrygginguna með vaxtaviðmiði Segja þingmann draga upp skakka mynd af stöðu nýsköpunar Eigandi skrifstofu í Kringlunni þarf að borga fyrir auglýsingar Stjórnendur Íslandsbanka enn undir feldi Fyrrverandi starfsmenn endurvekja Lagningu Reikna með 1,5 milljarði króna í sjóböðin í Önundarfirði Enn meiri veikleikar í samkeppnishæfni Íslands en ESB Sérlausn fyrir fluglosun virðist ekki hafa verið auglýst Segir mikla vinnu í gangi vegna lánamála Sér ljós við enda ganganna: „Kannski þurfti svona stóra truflun til“ Mun leiða svið markaðsmála og þjónustuupplifunar hjá Advania Finna meira gull á Grænlandi Jónas Már til Réttar „Ekki bara smá eyða, þetta er risastórt gat“ Hætt við að vextir hækki Sjá meira