„Hann ætti að valda áhyggjum hjá öllum sem er annt um þjóðina okkar.“
Deilur þeirra, sem munu líklega gera forsetanum erfiðara að koma málum sínum í gegnum þingið, byrjuðu í gær þegar Trump sagði í tísti að Corker hefði „grátbeðið“ Trump um að styðja framboð sitt í Tennessee og að Trump hafi neitað og sagði forsetinn einnig að þingmaðurinn, sem studdi forsetaframboð Trump frá upphafi, væri huglaus.
Því hafi Corker hætt við að bjóða sig fram því hann gæti ekki unnið án stuðnings forsetans.
Senator Bob Corker "begged" me to endorse him for re-election in Tennessee. I said "NO" and he dropped out (said he could not win without...
— Donald J. Trump (@realDonaldTrump) October 8, 2017
..my endorsement). He also wanted to be Secretary of State, I said "NO THANKS." He is also largely responsible for the horrendous Iran Deal!
— Donald J. Trump (@realDonaldTrump) October 8, 2017
...Hence, I would fully expect Corker to be a negative voice and stand in the way of our great agenda. Didn't have the guts to run!
— Donald J. Trump (@realDonaldTrump) October 8, 2017
Auk Bandaríkjanna komu Bretland, Frakkland, Kína, Rússland og Þýskaland að samkomulaginu við Íran sem snýr að takmörkunum á kjarnorkuáætlun Írana í stað fyrir afnám viðskiptaþvingana.
Trump sagðist þess vegna búast við því að Corker yrði neikvæður gagnvart Trump á næstunni og að hann myndi reyna að standa í vegi fyrir ætlunum forsetans.
Corker svaraði forsetanum á Twitter og sagði það „synd að Hvíta húsið væri orðið dagvistun fyrir fullorðna“ og að greinilegt væri að einhver hefði ekki mætt á vakt sína.
It's a shame the White House has become an adult day care center. Someone obviously missed their shift this morning.
— Senator Bob Corker (@SenBobCorker) October 8, 2017
„Bob Corker gaf okkur Íran-samkomulagið, og þá er það upptalið. Við þurfum heilbrigðisþjónustu, við þurfum skattalækkanir/endurbætur, við þurfum fólk sem kemur hlutunum í verk,“ sagði Trump á Twitter.
Bob Corker gave us the Iran Deal, & that's about it. We need HealthCare, we need Tax Cuts/Reform, we need people that can get the job done!
— Donald J. Trump (@realDonaldTrump) October 8, 2017
Þá segist Corker líta á forsetann sem stjórnmálalegan-viðvaning sem haldi að hann sé enn í raunveruleikasjónvarpi. Þá segist hann vita til þess að starfsmenn Hvíta hússins þurfa að leggja mikið á sig til að vernda forsetann fyrir sjálfum sér og halda aftur af honum.
Hann sagði Trump hafa margsinnis grafið undan viðræðum utanríkis Bandaríkjanna með vanhugsuðum yfirlýsingum á Twitter. Nýjasta dæmið væri yfirlýsing hans um aðgerðir Rex Tillerson, utanríkisráðherra, varðandi Norður-Kóreu. Tíst Trump hefði skaðað Bandaríkin.
Corker sagðist einnig vita til þess að nærri því hver einasti þingmaður Repúblikanaflokksins deildi áhyggjum hans af Trump.
„Sko, fyrir utan nokkra aðila, skilur stór meirihluti okkar hvað við þurfum að eiga við. Þeir skilja hviklyndið sem við eigum við og þá miklu vinnu sem nánustu starfsmenn hans þurfa að vinna til að halda honum á veginum,“ sagði Corker.
Þingmaðurinn sagði í viðtalinu að þeir Rex Tillerson, Jim Mattis, varnarmálaráðherra, og John F. Kelly, starfsmannastjóri Hvíta hússins, væru að gera sitt besta til að tala Trump niður og róa hann. Það væri mjög mikilvægt.
„Ég veit ekki af hverju forsetinn tístir hlutum sem eru ósannir. Þið vitið að hann gerir það, allir vita að hann segir ósatt, en hann gerir það bara.“
Corker vildi ekki svara þeirri spurningu hvort hann teldi Trump hæfan til að sinna embætti forseta Bandaríkjanna. Hins vegar sagðist hann telja að Trump áttaði sig ekki á veldi embættisins.
„Ég held að hann átti sig ekki á því að þegar forseti Bandaríkjanna talar og segir þá hluti sem Trump segir, hafi það áhrif um allan heiminn. Sérstaklega á þeim svæðum sem hann tjáir sig um. Þannig að, já, ég hef áhyggjur af því.“
